有不少網友留言曾遇過相同經歷，因此感同身受。
因為「客人永遠是對的」，所以就算提出的要求再無理，打工仔亦要忍氣吐聲地接受。然而，一名設計師日前兩度在網上投稿，指自己如何應對同一名無理客人的兩個無理要求，獲大批網民大讚有趣。
fb專頁「奴工處」圖片
一名設計師上周三在Facebook專頁「奴工處」發文，指有客人傳送一張男人的正面相，並要求樓主將相中人改為側面。其後，樓主「按指示」作出修改，畫出一條直線，指已改好，並形容對方「嬲到黐線」。
fb專頁「奴工處」圖片
25日，該名設計師再次上載帖文，指在遞交涉及黑色的設計圖後，同一位客人表示，「想要好似紅色咁sharp嘅黑色」。因此，樓主在迫不得已下，只好扮改好並傳送相同的黑色給該位客人，並指「改sharp咗」。誰料，該名客人竟甚為滿意，並指「好好多，就用呢隻色」。
不少網民其後紛紛留言，笑指樓主改好的側面相「無做錯」、「型」，更有人笑問「背面點搞」。另外，對於改到「好似紅色咁sharp嘅黑色」的帖文，有網民笑指，「識乜嘢呀你，唔同心情睇嘅顏色都唔同㗎嘛」，亦有人提議「或者叫佢較下個mon.. 光啲咪sharp啲」。另外，亦有不少人留言，指自己亦曾遇到相同經歷，因此感同身受，有留言指「我老闆都有講過.... 隻黑色可以再黑d........」。
港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。
示意圖片
女會計師連續工作68小時，過勞暈倒送院
該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。
示意圖片
弟弟爆料姐姐瘋狂行徑
樓主又懷疑姐姐因工作關係，而患上思覺失調，指對方精神失常，經常做出種種瘋狂行為：
「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」
「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」
「有次佢腸胃炎，佢直接搬張枱同電腦，去廁所一邊屙屎一邊做嘢」
示意圖片
弟弟警世：唔好做會計
樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」
示意圖片
網民勸：辭工休息吓，再轉行
帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。
示意圖片
帖文來源：連登討論區
