*

內地高官艱苦攀上高位 何柱國:香港官員讀書好就得

星島新聞集團舉辦「2018年傑出領袖選舉頒獎典禮」,集團主席何柱國致辭提到,從新聞見到國家主席習近平主席指做官要無我,令他有好多感想。

星島集團主席何柱國

他說,習近平做官由基層出身,下鄉做農民做了七年,之後從縣市一級級升上去,做到今日國家主席的位置,要照顧十四億人的衣食住行,「見到佢行上嚟一步步經歷過好多風風雨雨,亦可以睇到做一個中國官員,做到咁高嘅地位,做到常委,做到高官,個個都係要一步步艱苦升上去。」

他指,在內地要上到高位,大部分做過省長、市長,「經過基層,知道下面人民生活」,再推動城市的經濟成就,經過一級級考驗,有成續先可以升至高位。

他引述有北京高官指,大陸官員與香港官員的生活成長差好遠,「好辛苦捱出來,一步步行上嚟」,不像香港官員般無憂無慮,「只要讀書讀得好,考上去有個鐵飯碗就得㗎啦,我哋(內地官員)唔係㗎,隨時俾人炒,俾人整落台,經過好多艱難先做到呢個位。」