演出《P風暴》搏晒命 周秀娜喪跑跣低被指做乜加戲？

搞到周身傷竟然被誤解~

周秀娜在第四部的反貪風暴電影系列《P風暴》中，雖無參與動作戲份，但都要上天下海，仲要冒住炎熱天氣喺大球場喪跑，專業演出搞到周身傷，豈料卻被誤解，娜姐笑住自爆：「有場喺條街跑跑吓，因為天雨路滑不慎跣低咗，竟然有人質疑問我：『做乜加戲？』以為我想搶鏡，真係笑死。」 

新片《P風暴》繼續有古天樂、鄭嘉穎外，林峯及周秀娜首度加入，連首集《Z風暴》嘅林家棟和陳靜都「回歸」。 娜姐飾演嘅護士，為過身嘅祖父向廉政公署保護證人組高層(鄭嘉穎飾)舉報富二代「曹元元」(林峯飾)在獄中行賄懲教人員，角色有公義心，面對惡勢力不低頭。

33歲娜姐恨拍到金庸筆下俠女或反派角色，又想挑戰演精神病患者。

在直升機狹窄空間入面，娜姐同林峯拍動作戲都有一定難度。

大球場跑上跑落，娜姐和嘉穎少啲氣力都唔得。

娜姐笑說：「最初以為動作戲留畀男子組，點知我由見到鄭嘉穎第一場開始，為避槍戰一齊喪跑，由大球場外圍跑到上觀眾席，再入後台然後跑返出去，好記得拍攝時好多阻滯，除咗等停雨兼避車外，雖然着住波鞋跑，但雨後地下實在好滑，唔小心跣低咗。工作人員仲誤以為我專登搶戲，不過，睇playback效果又幾好，好彩平日有去學打泰拳強身，體力都應付到。」

娜姐第四度同嘉穎合作，形容變得好精神分裂：「上次《葉問外傳：張天志》同佢處於敵對狀態，今次由佢嚟保護我，而且兩部戲相差時間唔太遠。至於同林峯多年前合作拍過《抱抱俏佳人》時，當年佢官仔骨骨，斯文又靚仔，今次做大反派。同熟對手合作都幾好，見到佢哋另一面都幾新鮮。」近年娜姐成功轉型唔賣性感，她說：「我接戲都唔太着重睇有冇性感演出場口，只要劇情合情合理咪順其自然做。」

娜姐在《P風暴》，同對手嘉穎有場落水戲。

周秀娜跣低一刻，忍痛繼續拍戲。

娜姐話拍戲瘀傷、流血、刮損，實在難免。

林峯同周秀娜係首度合作MV，林峯仲負傷完成公主抱。

林峯近日推出加盟華納後第四首全新廣東歌曲《無傷大雅》，之前因為疫情關係未能夠親身返港拍攝劇情MV，所以這次ＭＶ特意找來一直與林峯在電影及劇集合作無間、默契十足的周秀娜做女主角，ＭＶ二人飾演在一起很久的情侶，分手後林峯一直默默關心及照顧周秀娜，劇情非常催淚！新歌找來吳林峰作曲，林寶填詞，黃兆銘、徐浩編曲及徐浩監製。

今次算是二人第四度合作，而MV係第一次

林峯說：「好有幸可以請到娜姐嚟做我嘅 ＭＶ女主角，其實我哋之前有合作過電影、電視劇，但就係冇合作過ＭＶ，因為佢都好少拍ＭＶ嘅，所以好有幸、好多謝佢今次嘅參與 ！」今次算是二人第四度合作，問到拍MＶ可有趣事？林峯笑言：「就係發現原來娜姐好輕，佢真係好鬼 fit!」原來 MＶ入面有公主抱娜姐嘅情節，林峯直言娜姐應該是他合作過的女演員裡最輕的一位。笑言：「真係㗎！原本我諗住要紮行馬咁，點知一抱嗰下，嘩！咁輕嘅⋯⋯哈哈！」娜姐亦笑言：「當佢抱起我嘅時候連我都覺得自己好輕，嘩，佢咁輕而易舉嘅哈哈！」原本娜姐好擔心，因為知道拍檔有腳傷在身，擔心自己的體重會令他傷上加傷。林峯立即話 :「呢排我腳傷冇操(體能) 我都覺得你輕，所以你真係好輕！」

林峯繼續CHOK

林峯繼續CHOK

林峯話娜姐超輕

娜姐仙氣滿滿

今次新歌連出名唱得的阿峯都話難度高：「呢首歌真係我做歌手以嚟數一數二難唱㗎！連監製徐浩都話難！」見到阿峯在拍攝現場一直在練習唱歌詞，但MＶ不是不收音的嗎？阿峯直言：「因為我係一個歌詞白痴嚟㗎，我自己啲歌唱十年都記唔到歌詞⋯⋯」娜姐聞言感到驚訝：「點會呀！ 你三頁對白可以即刻背到出黎㗎喎！？」阿峯立即解釋：「對白得！ 但歌詞真係唔得，記歌詞一直都係一件好難嘅事，因為歌詞係一粒字都唔可以錯，但劇本唔係，不過呢首歌反而我聽過兩次已經覺得歌詞好易入腦，旋律又好易上口，所以今次好多謝林寶寫咗咁好嘅詞比我，希望大家鍾意！」

問到兩位２０２４年工作大計，會否分配多一點時間在港 ？二人說：「會呀，因為我地嚟緊電影方面都會有合作，應該好快又會再見同埋電影裡面應該都會有好多對手戲！」

對於香港樂壇這幾年間急速改變及有許多的新名字冒起，有沒有一些名字希望來年可以合作？阿峯亦有留意同公司 (華納) 的新音樂人，「其實無論做演員或者歌手我哋都希望尋求新嘅突破同火花，無論係幕前定幕後，同唔同嘅人合作我覺得都係一個好好嘅嘗試同學習，但首先我係好想同我公司新嘅音樂人合作。」娜姐突然好奇問起林峯可有試過Rap？阿峯說：「曾經在節目裡嘗試過，私下去唱歌有時都會挑戰試吓，自問唔識但都想嘗試，身邊都有Rapper朋友，我哋公司（rap得嘅）都有ＭＣ同Gareth.T (湯令山)，其實仲有好多新人都好希望可以合作！」

問到林峯和古天樂二人一直於螢幕上合作多年，會否考慮合唱？娜姐聞言立即笑說 ：「我好想聽喎！ 哈哈！」阿峯笑說：「其實我問過㗎！哈哈！我提議話搵次不如我哋睇下音樂上有啲咩撞到出嚟啊！因為其實古仔佢都唱得兩咀，佢都好鐘意唱Ｋ㗎！有時我哋自己公司搞慶功呀佢都會唱幾首歌，我都希望睇下同古老闆喺音樂上可以有啲咩火花出到嚟！哈哈！」