*

upload_article_image

澄清與陳瀅是好拍檔 陳家樂:專心事業不想愛情

他強調兩人真的沒有戲假情真......

陳家樂繼電影《廉政風雲 煙幕》後,最近在TVB逢周六播出的新劇《廉政行動2019》再次飾演ICAC調查員,但他表示今次角色更立體更貼地,是個新挑戰。劇中他跟陳瀅演鬥氣冤家大搞曖昧,因而傳出不少緋聞,他澄清兩人現實只是好拍檔,又坦言對感情事一點也不心急,暫時想專心工作,未有心情怕拖。

家樂自言唔心急拍拖,寧願全副精神時間放在工作上。

家樂謂今次角色「歐陽智」最大挑戰是跨度大,「我哋用五集故事交待10年間發生嘅事,每集都會睇到我嘅成長,不過今次除咗查案,仲會講到我同圍村屋企人嘅關係,所以角色更加立體,又喺廉署協助下拍攝,會更真實同貼地。」

劇中家樂和陳瀅大搞曖昧,他強調現實只是好拍檔。

劇中黃智賢和滕麗名飾演家樂和陳瀅在ICAC內的師傅,而他跟拍檔陳瀅是對鬥氣冤家,當中帶小小曖昧,「導演話如果拍第6集我哋就會拍拖。」不過家樂強調兩人沒有戲假情真,只是合作愉快,更大讚對方演戲有天份,「導演講啲嘢,佢一點就明,即刻做到,其實佢唔似外界覺得咁『女神』咁高高在上,反而好貼地,可能因為呢種性格佢易惹緋聞。」他又指兩人沒有因為緋聞影響友情,見面亦不會尷尬。講到感情事,家樂坦承暫時未有心情拍拖,「我真係唔心急,自己個人又悶點出去識人,都係專心做好工作先,嚟緊要去墨西哥為電影《緊急救援》拍攝,返嚟都想多啲工作機會,都想再拍劇磨練吓演技。」

日前家樂(右)跟陳瀅(右五)齊出席活動,兩人全冇尷尬。

家樂即將飛到墨西哥為電影《緊急救援》拍外景。

家樂話戲裏戲外,黃智賢都好似師傅一樣照顧他。

家樂和陳瀅瞓身演出,親自拍落水捉犯人場口。

家樂首次跟前輩鄭則仕合作,小小提點已令他學到嘢。