*

獲老友搞笑打氣 阿Sa:人生有一班真正朋友的確好極

阿Sa:「笑死我又感動死我!」

蔡卓妍(阿Sa)昨晚(14日)在《第38屆香港電影金像獎頒獎典禮》上,不敵《三夫》曾美慧孜,再一次落敗金像影后,但她沒不開心,完Show後還在社交網站表白今次參與感受,其後還分享了一眾好友為她緊張、打氣的照片和片段!

資料圖片

阿Sa說:「好開心可以參與今晚金像獎頒獎典禮 對我嚟講,能夠再次入圍 已經係好大嘅肯定。今年整個頒獎典禮無論表演環節、大家嘅感言都好精彩、好有heart,各個得獎單位都實至名歸。頒獎禮過後又係重新開始嘅一日。keep rolling! Keep walking! 我會繼續努力。多謝所有支持我嘅每一位。亦都要多謝今晚幫我造型嘅團隊,辛苦大家喇」。

今日(15日),阿Sa分享了一眾好友前一晚為她緊張、打氣的照片和片段,包括鍾欣潼(阿嬌)「緊張到食拳頭」、容祖兒「緊張到要飲汽水」和口塞橙、關智斌@BOYZ「緊張到食蕉」、張致恆@BOYZ「緊張到要食飯」的搞笑圖片,還有鄭希怡囡囡拍片說:「契媽加油!」等。

阿Sa留言:「禽(擒)晚現場收唔到電話,完咗一出去就睇到呢一堆msg,笑死我又感動死我 #人生有一班真正朋友的確好極。感謝個天俾我認識到咁多錫我嘅人,一定係前世同前世嘅前世同前世嘅前世嘅前世都做咗好多好事,今世有咁多人錫我。Love you guys to the moon and back,坦白講我一啲都唔緊張,因為我心裏有數,反而見到啲屋企人同埋好朋友仲有fans為我咁緊張,心裏面真係好感動,但更多嘅係唔好意思 #小女子無以為報 #唯有 #唔好諗多 #係以愛相許 同埋 #繼續努力」。

資料圖片