否認吳業坤是新歌男主角 Aka＠SG：我們一直是朋友

所以Aka話佢地唔會有翻撻兩個字！

Aka單飛，笑言可以賺多一份錢。

女子組合Super Girls隊長趙慧珊（Aka）繼吳嘉熙（Cheronna）後成為第二個單飛成員，新歌《你在聽嗎？》講述一段感情去到樽頸位，最後分手收場，有過同樣經歷的Aka錄音時更一度爆喊。Aka就否認歌中男主角是舊愛吳業坤，更說大家一直是朋友，所以從來都沒有翻撻兩個字。

Aka同坤哥有緣冇份，只能繼續做朋友。

不過，Aka就自爆坤哥有鼓勵她單飛，但就唔會問他有關唱歌技巧，「呢方面交畀唱歌老師同監製。」她說：「坤哥都忙演唱會啦，希望佢加油，我都想睇佢演出，可惜到時我應該有工作。我反而想厚面皮問張崇基、張崇德能否教我唱歌？因為我媽咪好鍾意佢哋，我幾歲大時已聽佢哋唱歌及睇佢哋演唱會，佢哋扮歌手都唯肖唯妙。唯一擔心學費應該好貴。」

Aka在英國進修時，在酒店影出浴照。

問到同坤哥關係，有無機會翻撻？Aka強調兩人一直是朋友，所以沒有翻撻兩個字，「我哋連發展機會都無，相士話我事業心重，51歲先搵到真命天子結婚，依家我要做多啲善事，希望上天好心早啲畀呢個人我。」不過，她亦笑言自己不是賣淨蔗，一直有人追：「托賴我人緣好，都有人約，大家會互相送上關心，但我經已表明呢幾年冇心思去培養感情，只能得閒食飯。妹妹即將爬頭嫁人，好戥佢開心。」

Aka之前曾開過畫展，為增值堅持去英國進修。

Aka又指目前好攰不想拍拖：「唔係感情創傷後遺症，難得單飛，所以呢幾年要衝。至少對得住自己，無悔做過嘅事。」她又剛剛去了英國進修畫畫，主攻顏色配搭，豐富自己，不好齋食老本。

Super Girls成員陸續各自發展。

新歌MV浴缸浸住水拍。

《卡拉O！BABE》返嚟喇！

由新城廣播創作總監及節目主持啤梨（葉文輝）主持的經典節目《卡拉O！BABE》正式回歸並於日前（3月8日）首播，第一日開咪已經有不少驚喜，所有電話線爆晒燈，「鬼王」潘紹聰突然殺入錄音室展歌喉，原來「鬼王」好唱得，驚喜還未完，節目尾聲時，吳業坤「坤哥」扮聽眾打電話到節目，熱鬧到不得了。

啤梨（葉文輝）主持的經典節目《卡拉O！BABE》正式回歸

第一日開咪已有不少驚喜

「鬼王」潘紹聰突然殺入錄音室展歌喉

所有電話線爆晒燈

「鬼王」潘紹聰殺入直播室唱K

啤梨（葉文輝）

聽眾們期待10年的回憶殺《卡拉O！BABE》終於正式回歸，豐富主持經驗的啤梨開咪前也興奮說：「好緊張！一早便返回錄音室做足準備，測試咗好多次收音器材！」十分認真。而好友潘紹聰知道啤梨首播，馬上全力支持，仲罕有在大氣電波顯示歌喉，即席獻唱近期熱爆的《傾城》，更鬼馬地大改歌詞，把其中一句改為「傳說中 痴心的眼淚會『新』城」，笑翻全場。潘紹聰笑言，自己的節目《恐怖熱線》比《卡拉O！BABE》遲一天開播，仍不忙為啤梨做嘉賓：「我聽日（9日）先開波，我今日畀咗你喇！」

吳業坤扮聽眾打電話到啤梨主持的首集《卡拉O！BABE》

進入節目第二部份，錄音室的電話線繼續爆晒燈，一直不斷有聽眾打電話進來想唱歌，但啤梨也沒想到收到意外驚喜。「係咪啤梨？係咪啤梨呀？我係吳業坤！」啤梨當場也呆了兩秒，反問對方：「吳業坤？你真係嗰個吳業坤？」坤哥笑言自己應該早在14年前打通這個電話，自言自己從小就很愛唱K，更即場演唱自己首本名曲《陽光點的歌》，為節目炒熱不少氣氣。可惜，一小時的節目很快便完結，不少聽眾要留在下星期再度點唱，但啤梨在節目後仍細心逐一致電給聽眾們安撫，他說最希望聽眾們每逢週五晚6時至7時，都可以打1834997，「開開心心聽吓歌、唱吓歌」。