不過，潘燦良話自己會交塊面出來俾蘇玉華幫佢護膚！
蘇玉華與男友潘燦良、毛舜筠和倪晨曦出席護膚品活動，對於跟男友可會互相幫大家護膚，蘇玉華笑言發覺男生大多不喜歡護膚，但大讚男友的膚質很好，本身通常會在家為自己護膚；潘燦良就自爆通常交塊面出來，讓女友為他護膚，因為自己塊面大會浪費好多護膚品，又指女友對護膚好勤力，成日見到對方敷住面膜好似鬼。
潘燦良指成日見到蘇玉華敷住面膜好似鬼。
談到失落於金像獎「最佳男配角」獎項，女友可有錫返他？潘燦良笑言已錫返，但好開心可以參與頒獎禮，因為21年前憑《南海十三郎》有份角逐「最佳男配角」，但未能出席，今次有機會再度參與可以帶同女友同行，覺得好似去了主題公園玩，又可裝扮自己，而且見到好多朋友。
潘燦良好開心可以參與頒獎禮。
蘇玉華笑言無毋需安慰男友，早前與男友跟袁富華及另一半一起吃飯，更揚言得獎者要請輸家吃飯，所以變成她有餐飯吃。問到可會兩對情侶一起舉辦婚禮？蘇玉華表示有講過，不過衰懶惰。潘燦良則謂分開搞，玩兩次較好。
蘇玉華笑言無毋需安慰男友。
談到對手袁富華得獎，潘燦良直言戥對方開心，亦是自己前輩，雖然大家未曾在舞台上合作，希望將來有機會合作，又指陳詠燊導演有意《逆流大叔》原班人馬開拍新故事。
袁富華（資料圖片）
George在《不赦之罪》飾演少年強姦犯，為演好角色，他換上一頭清爽短髮造型，卻被指似卡通人物monchhichi。
香港電影工作者總會推出的首季「總會拍電影」計劃，當中的第二部獲選作品《不赦之罪》，日前正式開鏡 。監製廖婉虹、導演林善、導演暨編劇譚善揚、黃秋生、蘇玉華、歐鎮灝（George@P1X3L）、陳紫萱及陳書昕五位主要演員都有出席開鏡儀式，電影圍繞三位人物，包括由秋生飾演的牧師，蘇玉華飾演的受害者母親，以及由George所演的少年強姦犯，幾位演員都讚賞劇本出色，不過笑言最初對林善及譚善揚首執導演筒非常擔心，幸而身為影帝的秋生，即場認可他們的表現。
《不赦之罪》日前正式開鏡。
（左起）陳紫萱、歐鎮灝、蘇玉華、黃秋生、陳書昕
秋生笑指大家擔心兩位新導演，全因被兩位青澀外表嚇怕，更即場派定心丸：「我又唔覺得佢哋好新，唔係咩都唔識咁，大家都溝通得非常好，又聰明又聽人講又可以消化得到好多意見，即係我唔駛好擔心所有嘢，係比想像中更好同順利。」蘇玉華就指開拍前曾跟兩位導演見面，印象深刻, 很難想像劇本竟然出自眼前兩位年青人：「今次的確係一個好好嘅劇本，呢兩個年青人好尊重我哋兩個老人家，佢哋真係每一場戲都會埋嚟同你傾，問呢場戲我會點樣處理，點樣演，我覺得係一個好真誠嘅合作。另外我覺得好慶幸，我同秋生一齊演啦，因為我哋好有默契，本身都係熟絡同一齊合作過。」
黃秋生、蘇玉華
譚善揚、蘇玉華、林善
兩位新導演亦都感謝秋生和蘇玉華前輩參與，譚善揚更指落筆寫劇本時，已經想住秋生飾演牧師角色，多得監製安排，最後夢想成真由影帝出演：「成件事好奇妙，而秋生佢上年都有完整睇晒成本聖經，佢有好多研究，我哋每日拍攝時候都會有很多討論，研究角色會有點樣嘅諗法。」至於林善對於自己剛從演藝學院畢業，就獲得執導長片機會，非常感恩並說：「我覺得『總會拍電影』計劃，對我嚟講最大嘅意義就係畀我一個本身讀電影學院，想拍電影想做導演嘅人一個實踐嘅機會，即係唔只係睇書或者睇電影裡面去學習咩叫做拍電影。」
譚善揚、林善
三位影壇後輩包括George、陳紫萱及陳書昕亦榮幸能夠跟秋生和蘇玉華同場演出，今次更是George首登大銀幕，面對前輩當然緊張：「我呢半年係有睇好多唔同嘅電影，吸收點樣做，諗住喺實踐嘅時候就發覺，咦，唔係噃，因為秋生哥有嘗試去幫我撇甩自己演出嘅框架，令到我每一晚返去，都諗返演出嘅每一場戲，個人好似對做戲通透咗。」紫萱曾經上過秋生的演技大師班，很開心再跟影帝碰面：「圍讀劇本時候再見到佢，其實並冇想像中咁惡，秋生哥都好調皮。」陳書昕亦珍惜今次與蘇玉華合演母女機會：「蘇老師真係好親切好nice，令到我更加容易入戲，對住佢就好自然有媽媽嘅感覺。」
陳書昕、陳紫萱、歐鎮灝
陳紫萱
為演好戲中釋囚角色，George換上一頭清爽短髮造型，更被指似卡通人物monchhichi，另外George又指將會與陳書昕有一場大膽戲，非常考驗演技，書昕指George為投入角色，即使在片場主動與對方溝通都被拒絕， George連忙澄清：「我個人比較屬於感受型（演員），所以我要好實在去feel角色的想法，就好多時會抦埋一二邊去諗嘢同埋去思考。」
歐鎮灝
《不赦之罪》是總會從40多份劇本中獲選中開拍，總會表示大部份首季「總會拍電影」的參賽劇本都以警匪或黑社會為主題，而《不》就與別不同，電影非簡單一部商業片，故事聚焦疫情之後，學生重新面對社會時，所遇到的個人或者群體問題，戲中探討當中產生的衝突，引發觀眾思考。「總會拍電影」計劃理念，旨在團結業內人士，更重要是為香港影圈提供更多不同類型劇本，從而發掘新題材，令香港電影更多元化。「總會拍電影」第二季收到超過 70個劇本申請，預計結果4月出爐。
