Skip to Content Facebook Feature Image

首季賭廳博彩毛收入佔比不足一半

澳門事

首季賭廳博彩毛收入佔比不足一半
澳門事

澳門事

首季賭廳博彩毛收入佔比不足一半

2019年04月17日 10:38 最後更新:10:49

減少達到7個百份點

資料圖片

資料圖片

博彩監察協調局公布的統計資料顯示,今年 (2019年) 第1季博彩毛收入 761.5億元,按年下跌 0.4%。其中,反映貴賓廳收入的貴賓百家樂毛收入 372億元,跌幅 1成3,佔整體博彩毛收入比率亦由 56.1%下降至不足一半的 48.8%。

在今年第1季,全澳賭枱共 6,624張,較去年第 4季增加 36張;角子機 17,122台,增加 1,063台。

往下看更多文章

兩個硬任務要執行

2015年03月05日 12:46 最後更新:13:02

兩會喺北京召開,中央港澳工作協調小組組長張德江對港澳政協委員發言,提到澳門時講到三點希望同兩個硬任務,三點希望就比較大路啲,香港澳門都通用,包括全面準確理解一國兩制、基本法、發展經濟改善民生,以及遇事有商有量咁。

我就覺得兩個硬任務雖然唔可以話係新,但就突出中央要求澳門做嘅事情。第一係經濟多元化,第二就係青少年教育。記住阿爺話係硬任務,意思就係必定要做得成,無轉圜餘地,唔好諗住有得講價。

兩個硬任務,一個經濟、一個政治,經濟多元化已經提到好高的高度,原因係如果澳門過度偏向博彩業,經濟發展將不可持續,阿爺雖然無講到出口,但佢已有清晰政策,唔會任由大量資金流失到澳門。據一啲內部評估,過去高峰期每年有八千億人民幣,喺明喺暗的渠道流向澳門。

如果只流向博彩業而言,由於一半賭收流入外資之手,即係話流出去的錢,有一半係俾外國賺咗。你話阿爺會唔會容許呢個情況繼續落去?甚至容許流出的錢愈來愈多呢?

既然阿爺打貪打得咁劇烈,本身已經影響到流向澳門賭博的資金,再加上阿爺睇住啲錢嘅流動性嚟管理,恐怕澳門如果單純仰賴博彩收入,呢個增長方式將不可持續,所以阿爺多方鼓勵澳門要搞多元化經濟發展。

另外就係青少年教育,呢樣嘢係政治性,不論澳門抑或香港的情況都說明咗,搞青少年愛國主義教育刻不容緩,澳門舊年的「離保法」風波,搞到大批市民上街,網上反對政府聲音強烈,澳門之後到香港佔中,更加有幾十萬人佔領街頭。阿爺唔想今天香港的情況,明天蔓延到澳門,阿爺對香港情況的總結,主要係無搞好國民教育,青少年愛國心不強,既然如此,梗係唔希望澳門出現相同情況,所以搞好青少年愛國主義教育可能係澳門未來重點課題。

澳門各界人士睇住阿爺打「開口牌」,講出兩個硬任務,大家就要識執生,避重就輕,順住國家政策做事,就會得到更好結果。