*

upload_article_image

拍住好戲紅姐 黃智賢演技升呢

小紅姐「戲場」勁~

黃智賢(Ben)最近接連有劇推出,《鐵探》及《廉政行動2019》令觀眾周一至周六都見到他,他笑言角色各有特色,觀眾應該不會厭,特別是《鐵探》中的總警司「程宇森」,雖然全程要坐輪椅演戲,但對住班好戲之人,好似剛出爐的最佳女配角惠英紅,大家不斷鬥戲,令自己表現都有所提升。 

Ben坐輪椅拍戲的好處,就是有私家櫈,大家企時都有得坐。

對於首次全程坐輪椅演戲,Ben謂不算太困難,「有得坐幾舒服㗎!其實輪椅唔算好難控制,係有場戲我同紅姐鬧完激動得滯揸住咗個轆,搞到失平衡四腳朝天,好似隻龜咁。不過呢套係警匪劇,如果有多啲動作戲係會好玩啲嘅。」

戲中「程宇森」鮮有離開輪椅的戲,這場攀石算是難得一場。

Ben話好鍾意今次故事以警隊極高層做主線,這個新鮮題材相信觀眾應該幾有新鮮感。講到拍住班好戲之人,Ben坦言拍得好過癮,特別是對住紅姐,「我哋兩個好多鬥爭戲,你來我往唔輸得,真係會令自己表現有提升㗎!」不過Ben就投訴跟姜皓文(黑仔)的對手戲太少,「我睇劇本時同黑仔應該有對手戲,點知拍落只係得一場,仲要佢喺出面,我喺指揮車入面,根本見都見唔到,真係好可惜。」談到繼《福爾摩師奶》後再播《鐵探》及《廉政》,觀眾一至六都見到他,他笑言唔怕厭,「三個角色都好唔同,加上《鐵探》我要第8集先出現,而《廉政》戲份唔算好多,相信觀眾唔會亂,有時間消化。」

飛虎隊出身的「程宇森」,因腳傷而轉做文職,但無損在警隊地位。

戲中Ben跟陳敏之和許紹雄是三角關係,現實當然是好老友啦!

Ben認為跟紅姐合作是種享受,就好似打網球遇到好對手,對於獲紅姐力讚演技有得揮,當然更高興。

Ben覺得作為演員,不時換下新對手,確實會有更多火花。

Ben認為跟紅姐合作是種享受,就好似打網球遇到好對手,對於獲紅姐力讚演技有得揮,當然更高興。