*

upload_article_image

新歌首打入四台音樂榜 石詠莉:好興奮同鼓舞

Sukie:「嚟緊我會努力做多啲好歌送畀大家。」

石詠莉(Sukie)早前為新歌《動態回顧》拍MV,其中一幕在墳場取景,拍完後不知撞邪定太攰,令她哮喘復發。幸好該首歌成功打入四台音樂榜,成為她第一首派台歌有這樣好成績,令大病初瘉的她既興奮又鼓舞。她最近雖忙為下半年推出的翻唱碟和原創EP錄音,但打了這支強心針,即時充滿力量。

Sukie在《動》MV在墳場取景,她拍完即病,曾懷疑撞污糟嘢。

當日拍完《動態回顧》MV,Sukie即時病倒,「我都唔知係咪因為同時籌備兩隻碟太攰,定真係撞到啲咩污糟嘢,總之返到屋企成日發惡夢畀人追,跟住又哮喘復發,搞到我病足成個月唱唔到歌,啲錄音都要停晒,真係好擔心㗎!」

《動》MV雖由Sukie老公鄧健泓執導,一樣好大方安排她出浴。

近日Sukie剛病好,《動》歌亦傳來好消息,「同事通知我嘅時候,自己都唔信有咁好成績,四個台都可以上到榜,商台仲上到第二位,真係好感恩。(想唔想更想一層樓攞埋冠軍?)真係唔敢諗,有咁嘅成績已經係一個好好嘅開始,係好興奮同鼓舞,嚟緊我會努力做多啲好歌送畀大家。」

為慳製作費,Sukie今次繼續搵老公客串,不過唔見樣,「講個男主角死咗,我唔捨得叫佢扮。」

網上圖片

其實Sukie這麼忙,只因同時籌備翻唱大碟及原創EP,「本來話過暫時唔再出翻唱歌,但公司好難得攞到啲之前冇畀人翻唱過嘅經典歌版權,機會難得就決定隻碟8月出,仲有啲歌未錄好,依家好番會追番啲進度。」她又預告原創EP,繼上次跟韓國組合Winterplay合作後,會再跟另一韓國知名制作人合作。

Sukie在《動》MV演技大爆發,難怪她早前能在「第六屆創+作微電影支援計劃」奪得最佳女主角金獎。

網上圖片

網上圖片