Skip to Content Facebook Feature Image

麻煩客以$20紙幣繳1萬元費用 累便利店職員數足45分鐘

社會事

麻煩客以$20紙幣繳1萬元費用 累便利店職員數足45分鐘
社會事

社會事

麻煩客以$20紙幣繳1萬元費用 累便利店職員數足45分鐘

2019年04月18日 16:56 最後更新:18:14

自己都要呆等,何必呢?

不少人都會到便利店繳交費用,有職員就大呻遇到麻煩客經歷,指客人走到收銀台前即拋下一疊共1萬元的20元紙幣,來繳交費用。店員欲拒絕,但被客人反斥:「數就數啦!九唔搭八!」店員唯有照收,而為免數錯,更足足花了45分鐘才數完銀紙。有網民認為該客人不知所謂,但亦有人質疑店員效率低,「使唔使數咁耐」。

設計圖片

設計圖片

該名便利店職員在facebook專頁「西客之道 Hispitality Secret」投稿,指有男客人帶同妻兒、家傭前來,然後將一疊錢直接丟在收銀櫃枱上,稱要繳付1萬元費用。樓主詫異:「我望住全部$20紙,呆咗5秒。我有無睇錯?無。係一萬蚊$20紙」。

當時另一名職員見狀,以便利店不是銀行,加上面額大,擔心會數錯或數漏為由,向男客人解釋便利店有權不接受。但對方反駁:「我夠知你哋呢到唔係銀行啦!我點X知呢到每疊幾多張啊?!我要交費啊而家!數就數啦!九唔搭八!」

店員無奈屈服,男客人則一直望着店員數錢。約20分鐘後,男客人感不耐煩,叫家傭繼續等候店員數錢,自己則與妻兒轉身離去。最後,店員為免數錯或數漏,仔細地核對了足足45分鐘。樓主在帖文留言表示,「未見過咁無恥嘅香港人」,直言「真係好嬲」。

帖文引來不少網民討論,有人認為男客人不知所謂,並認為店員「數45分鐘算好人,比我就慢慢數,數夠兩個鐘」,另有人估計20元紙「分分鐘係阿仔啲過年利是,而家都要摷埋出來交費」,反而勸樓主包容,又說「銀行超過200張都收費,最重要你唔可以唔知銀碼幾多,唔啱數係會比人彈返出嚟,叫佢數啱先埋櫃位」。

但亦有網民質疑店員無理工作效率低︰「500張要數9個字?」、「我做餐廳10萬蚊生意,埋數咪要數到第2日開舖」。

往下看更多文章

油塘酒樓1人坐卡位遭收3茶錢 食客嬲爆:枱又唔執錢就識收

2024年03月29日 12:30 最後更新:11:00

食客到油塘某酒樓用膳,眼見其他枱未有人清理,於是找了一張4人卡位坐下,豈料侍應說要收3人茶錢。

有食客到油塘某酒樓用膳,眼見其他枱未有人清理,於是找了一張4人卡位坐下,豈料侍應說要收3人茶錢。Getty圖片

有食客到油塘某酒樓用膳,眼見其他枱未有人清理,於是找了一張4人卡位坐下,豈料侍應說要收3人茶錢。Getty圖片

該食客於Facebook群組「油塘人之家」發文,表示日前到油塘大本型商場內某酒樓用膳,甫進入內,一位侍應示意他入座,當時樓主見現場未滿座,而且大部枱未有人清理,於是找了一張4人卡座獨自坐下,怎料侍應隨即走到他面前,收起碗筷,並告知他需要付3人的茶芥費用「仲要大大聲話公司規定」。樓主非常氣憤,於是拍枱走人「枱又唔執錢就識收,真係頂唔順即走,本地消費真係靠晒佢哋」。

從樓主上載的照片可見,酒樓的確張貼出告示,說明因座位有限,1至2人選擇坐4人卡座,需付最少3位茶芥。

酒樓的確張貼出告示,說明因座位有限,1至2人選擇坐4人卡座,需付最少3位茶芥。(FB圖片)

酒樓的確張貼出告示,說明因座位有限,1至2人選擇坐4人卡座,需付最少3位茶芥。(FB圖片)

帖文曝光後,有網民到訪該酒樓的類似經歷「我都試過,當日已是下午茶時間,且茶客稀少嘅!我哋兩位,選擇卡座位,我都俾職員提醒,要收多1位茶錢嘅!真是創意無限」、「我今日都同樓主一樣經歷,入去話一位,個職員話有位就坐,但張張都坐左人。一係就未執枱」、「領教過晚飯1次。餐牌太多規矩。服務態度差。唔會再去」。

不少網民批評酒樓的做法。(Getty圖片)

不少網民批評酒樓的做法。(Getty圖片)

雖然不少網民批評酒樓的做法「趕客之都果然名不虛傳」、「最簡單,唔好幫襯,等佢執」;不過亦有人表示「如果俾三位茶錢而冇其他人搭枱,我都可以接受」、「佢個卡位係可以望出睇到街景,坐得闊落d唔使搭枱,上次我兩位入座照比佢,黃昏食住睇日落靚景,我覺得冇所謂」、「係咪唔會被搭枱?如果是的話,我會比」。

有人則表示如果座位舒適又不用搭枱的話,會願意多付茶芥。(Getty圖片)

有人則表示如果座位舒適又不用搭枱的話,會願意多付茶芥。(Getty圖片)

帖文來源:Facebook群組「油塘人之家

你 或 有 興 趣 的 文 章