一向都＿＿！
即使早已提前預約，但要準時到達是常識吧？一名美容院職員在網上大呻遇到麻煩客人的經歷，指一名女客人預約美容服務，結果卻遲到逾一小時才到達。當她發現美容時間被扣減後，竟指自己光顧該店10年，一向都會遲到，但從來沒被扣過時間，直言「我要投訴你哋」。豈料，經理不但沒有維護員工，反指他們不應得罪客人，「叫我哋氹返個客」。
設計圖片/FB截圖
一名美容院職員在facebook專頁「西客之道 Hispitality Secret」投稿，指自己曾在美容院任職客戶服務員，並分享自己遇到一名無理的女客人的經歷。樓主指，該女子預約下午1時做美容，服務過程約75分鐘，而美容院一般會預留個半小時。最後，對方在2時05分才到場，足足遲了逾1小時。職員只好告知，因為美容師在3時會有客人，「只可以做到三點，佢一支箭就衝咗入房」。
設計圖片
該女客人在做完美容後，竟質問「點解會做唔足時間？我覺得你哋嘅服務差咗好多」，更指「如果唔夠時間應該一早同我講，等我今次唔好做」。職員只好再次解釋，由於她遲到，因此需扣減服務時間。客人聞言後竟反指，「吓！我不嬲都要遲15分鐘㗎啦，呢啲係常識嚟㗎喎，我一向都係咁㗎喎，個個都知㗎啦！」。
設計圖片
職員雖然無奈，但為了不得失客人，只好向對方道歉，指「唔好意思，下次我哋補返時間俾你」。然而，她仍然得寸進尺，「我唔明白你哋呢啲咩服務囉，我喺度幫襯咗10年，一向都係咁樣遲到，一向都冇扣我時間，我要投訴你哋」。其後，樓主及同事隨即向經理匯報事件，但經理不但沒有維護員工，「仲同個女人一齊喺度發花癲，話我哋唔應該得罪個客，叫我哋氹返個客，如果唔係我哋就死梗」。
設計圖片
不少網民紛紛留言，斥責該名女客人過分，直言「你宜家唔係遲15分鐘，係遲咗65分鐘auntie」、「呢啲客應該黑名單喎」、「佢覺得遲到好威威咁」等。另外，亦有不少人批評該名經理的處理手法不當，直斥「 癲經理配癲西客，難為班細嘅...」、「有點樣嘅經理就有點樣嘅客」等。
