社會事
一時貪方便亂拋垃圾，差點奪走一條寶貴生命。
復活節假期到尾聲，不少人趁長假期到郊外親親大自然，其中放風箏是熱門活動之一。有網民發現有雀鳥腳部被風箏線纏著，批評放風箏人士無公德心，未有將風箏線掉入垃圾桶。
雀仔風箏線纏腳獲照顧放生。Fion Chen圖片
網民Fion Chen在Facebook上載圖片，見到一隻雀鳥被風箏線纏著腳部，指「點解嚟放風箏玩完啲風箏線一地係唔執好掉入垃圾桶？最終纏住行人嘅腳，我係人類有智慧解得開啲結，但動物呢？雀仔呢？最終傷害咗另外嘅生命。」她稱，雀仔休息一晚後已自由回歸天空，她又讚清潔叔叔好人，「帶咗佢返屋企休養一日，第二日見雀仔精靈就帶佢返黎放回大自然。」
她續指，見到有家長努力「撲蝶」，不停用網捉啲蝴蝶到預備左的樽到俾啲仔女玩，「我每日都係呢個咁美好嘅地方見證人類不停殘害地球！但人類又要不停去投訴返其他「原居」野生或無家動物殘害佢地嘅所謂地方（呢到係人唔係應該有動物嘅），我地幫動物嘅其實唔剩只係睇到動物嘅慘，最深感受係人嘅自私多於其他......」
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
