跌手機態度差仲話人拾機不還網民斥：自己唔小心重扮大爺

社會事

跌手機態度差仲話人拾機不還網民斥：自己唔小心重扮大爺

2019年04月22日 19:04 最後更新：22:09

「拾機不還」雖然有錯，但失主態度也確實有改進之處。

遺失手機是一件非常麻煩的事，特別是手機裏的照片都無法再拍一次。因此，不少人在發現自己遺失手機後，都會立即致電自己的手機，試試會否遇到好心人拾到手機，以及相約交糾收。然而，近日有網民卻在遺失手機後，在網上發文，並直言「見到嘅好交返出嚟，我當無事發生，我已經用尋找 iPhone 鎖咗機，問過先達佬話唔會收機，你要自用都用唔到，俾返我好過啦！」

有網民上周五在Facebook群組「巴打絲打Facebook Club」發文，指自己在藍田匯景商場遺失iPhone 8 Plus 手機，在翻查閉路電視畫面後，發現手機被一名「西裝眼鏡佬」檢走。該網民在文中直言，「見到嘅好交返出嚟，我當無事發生，我已經用尋找 iPhone 鎖咗機，問過先達佬話唔會收機，你要自用都用唔到，俾返我好過啦！」，並指「成件事係條友有心唔俾返我，我一打過去個電話已經唔通，好肯定部機大把電，依家係有心唔俾返我，唔通我重要求你俾返我？」

不少網民其後紛紛留言，指「拾機不還」的做法雖有錯，但直言樓主「態度惡劣」，並指「睇嚟你九成九都搵唔番㗎啦，可能已經俾人調左落海 lu 」、「自己唔小心重扮大爺比我掉落海算」。

另外，亦有不少人斤笑言，「拎返深圳大把人收」、「樓主會唔會太天真，大把鎖機都會收」等。其後，樓主亦在文中反擊指，「你話我唔小心我認，但你執到唔比返我，有意拎走，都係你貪心嘅行為」，並指「係我唔岩，係我衰自己跌機比你執到，比返我啦，我依家比$500你請你飲茶」。

往下看更多文章

灣仔餐廳「為DSE學生打氣」免費開放做自修室更贈飲品甜品獲讚

2024年04月20日 11:30

灣仔有餐廳免費開放店面給DSE學生作自修室溫書，更送贈飲品及甜品。網民感動表示：好有愛！

灣仔餐廳下午茶時段免費開放，予DSE考生作自修室溫

該灣仔餐廳於其Facebook專頁發文，表示要為考試而努力準備的學生們打氣，宣布在下午茶時段免費開放餐廳，供考生們作自修室之用。餐廳指下午時段餐廳較為安靜，而且場地寬敞，非常適合考生溫書。

「如果搵唔到地方溫書，上嚟我哋餐廳，橫掂呢個時段我哋係冇用嘅，唔好嘥咗佢，介紹返，我哋地方好大，只係想陪你一齊考試！」

餐廳提供免費飲品及甜品

此外，只要出示學生證，學生即可享一杯免費飲品及一份甜品「只要你出示學生證上嚟溫書，(唔一定只喺應屆考生），不論咩年紀，總之你係學生，真心支持你你同你，所有嘢都免費⋯ 」餐廳更窩心表示「唔使擔心呢個係廣告⋯盡用啦，唔使擔心，上嚟溫書，上嚟做project，想陪你一齊渡過呢一關」。

網民大讚：「好有愛！」

網民得知這個消息後，紛紛大讚餐廳暖心之舉「好有愛，謝謝」、「不得了，我見到好大嘅愛」、「一間咁有愛嘅餐廳，值得大大力幫襯支持，老闆好有愛」、「借地方已經好好，仲免費又飲又食」、「多謝你哋嘅善良同慷慨」、「好窩心，DSE 同學加油」、「多謝你哋~好有心！假期我會嚟幫襯！」、「多謝你們對學生的支持！有心已經好好，仲要咁貼心準備飲品同甜品！好窩心呀！Love」。