*

手傷痊愈心情靚爆 鄭伊健澳門站重現大圓環倒吊

康復都唔好掉以輕心,要小心啲!

鄭伊健於二月在紅館開騷時弄傷右手臂引致韌帶撕裂,因此取消大圓環倒吊表演,經過兩個月的悉心治療和配合適當運動後,終於完全康復,高難度倒吊動作於前晚(20日)於澳門站「復活」,贏得全場掌聲,伊健非常開心興奮,全晚笑不攏嘴。

鄭伊健

鄭伊健

由於場地和各種原因,早前美國站無法帶埋管弦樂團和日本機械人演出,前晚澳門站四面台設計,將紅館四面台表演搬到澳門,這兩個環節亦「復活」。不少觀眾入場見到舞台時都驚歎:「嘩,四面台好勁呀!」

鄭伊健

在第二環節伊健大顯身手,又打又跳,而且成功表演在巨型圓環上倒立的動作,然後沒有立即落地,而是用雙手支撐身體吊在圓環,雙腳Hold在半空凌空踩單車動作,以展示手臂傷勢已成功痊愈,麒麟臂和腹肌都非常有力。所有動作完成後,伊健展現滿意的笑容。

大圓環倒吊返嚟啦,伊健成晚好開心。

在另一環節,專程從日本訂製的巨型機械人出場時,不少觀眾驚喜「O晒嘴」,機械人與伊健對打加上煙花和爆破效果,嘩聲四起,最後他們化敵為友大團圓結局,伊健帶住機械人繞場演唱《友情歲月》,全場1.2萬人大合唱,非常震撼。

鄭伊健

鄭伊健

鄭伊健

騷後伊健接受訪問,坦言好滿意澳門站演出,尤其是觀眾反應非常熱烈。至於手臂傷勢,他說:「好番晒啦,多謝醫生和健身教練Michael悉心照顧,個倒吊動作之前練咗好耐,終於可以做得返,令演唱會好完滿。」為配合不同地方舞台設計,伊健透露每個站都會有變化,「下一站係6月22日馬來西亞雲頂,雖然唔係四面台,但我哋諗咗啲新嘢,總之每個站都會有驚喜。」