*

upload_article_image

大媽巴士食餅拒清理整地碎屑 仲話好心乘客:關你咩事啊

人無恥便無敵?

葉德嫻都有教搭公共交通工具要有公德心,但一名中年婦人在巴士上公然進食留低一地餅乾碎,更反以粗口責駡上前干涉男乘客多事,拒絕清理。

Facebook群組「巴士的事討論區」網民上載影片所見,昨日乘搭九巴269D線時,一名大媽坐在下層車尾位食餅,男乘客批評大媽食到一地碎屑時,大媽即粗口辱罵對方︰「我唔小心得唔得,報警囉!多X餘,費X事睬你!」

巴士大媽食餅拒清理一地碎屑。(網上圖片)

男乘客一再要求大媽清理餅碎,大媽堅拒更聲言男乘客要執就自己執來食,更換過個位上前繼續食。左邊座位上亦留下一塊完整的餅乾。男乘客繼續理論,大媽更反鬧執著這些瑣碎事不是男人所為。「無嘢理,你搵啲餅乾嚟理,係咪得閒得滯?你係咪男人嚟㗎?放上網啦,紅晒啊你!大把錢收啊!關你咩事啊?呢架巴士你買咗啊?癡線㗎呢啲咁嘅人!」

網上圖片

大媽辯解自己的行為,「我唔信你唔跌垃圾落地下嘅,唔小心整落地下關你X事!」男乘客最後無計可施,唯有退讓「我都係叫你執一執佢啫。」

網民大多批評大媽所作所為,指「車廂唔畀食野...關咩唔小心事」,「人無恥便無敵」,也有人認為其他乘客都不插手,事主「起碼肯出聲」。