差點要表演吞針~
依家外出吃飯真的要多加留神！昨日有網民在社交網頁群組「Fanling 粉嶺」發帖，指在區內一間酒樓叫了一客叉燒飯，豈料其中一舊叉燒驚現「鐵針」，事主驚訝，斥「謀殺呀依家？！」網民得悉紛紛留言，轟酒樓「食安做得唔夠」、「想攞命！」，有網民懷疑「是針筒支針頭嚟架」，叫事主「報食環啦」。
事主展示叉燒驚現鐵針。 Fanling 粉嶺FB/網民Andy Poon圖
事主Andy Poo昨日在Facebook群組「Fanling 粉嶺」發文炮轟一間酒樓的叉燒有針，直斥「食個叉燒飯都要搵命博？唔係講笑，謀殺呀依家」。事主指，「好彩我望到唔對路，用手指摸落去」，點知發現「鐵針黎」，更指有「一隻手指公咁長」，他說，好在發現得早，不然「咬落去真係成口血」。
事主展示叉燒驚現鐵針。 Fanling 粉嶺FB/網民Andy Poon圖
網民對事件感驚訝，有網民分析相片內的「鐵針」，從外型和大小來睇，估計是針筒的「針頭」，更有人質疑源頭來自供應商，指可能「幫啲豬打針嗰陣漏低？」、「應該係隻豬仲在生嘅時候，打激素之類嘅針筒頭」。亦有網民指擔心「支針有菌有毒」，質疑酒樓食物安全出問題，建議事主向食環署反映事件，取回公道。
事主展示叉燒驚現鐵針。 Fanling 粉嶺FB/網民Andy Poon圖
事主展示叉燒驚現鐵針。 Fanling 粉嶺FB/網民Andy Poon圖
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
