*

情侶深夜街頭吵架 女方哭崩說分手:我個心好痛

隔住個mon都覺得慘......

「偷食」近期成為城中熱話!網上瘋傳一段影片,一對年輕情侶疑因「偷食」問題,深夜在元朗街頭爭執,期間女方痛哭斬情根,男方則嘗試「箍煲」,不少網民直言情節似足葉念琛電影的現實版,為女方感到心痛。

男方多次環抱女友,更試圖將女友抱起惟不成功。

有網民近日在連登討論區上傳一段影片,投訴樓下有情侶爭執「嘈到我瞓唔到覺」,從短片可見,一對年輕男女深夜時分在疑似元朗街頭吵架,女方多次質問男友「點解啊?點解你要同人哋同一日去台灣啊?」、「你係香港玩我都算,你依家去到台灣玩啊,你叫我點原諒你啊?」、「我接受唔到」、「你周圍去撩女仔啊!」。

男方多次環抱女友,更試圖將女友抱起惟不成功。

惟男方未有回答,僅多次環抱女友並阻止女友離開以作「箍煲」,期間更試圖將女友抱起惟不成功。女方多次掙脫後,激動跳腳,哭著說「我哋分手啦,我都唔想,但係我哋真係無喇!我個心好痛啊!」

男方多次環抱女友,更試圖將女友抱起惟不成功。

影片引起不少網民留言,有人直言情節如同葉念琛電影的現實版,亦有人留言斥責「條仔睇太X多偶像劇,又抱起條女又攬實,依啲招數喺條女火遮眼嘅時候用,條女只會覺得onX,火上加油!」、「條仔真係影衰晒啲男人」,另外有網民稱心痛女方,「我反而心痛個女仔」、「個女仔好慘,隔住個mon都feel到有幾傷」。

影片截圖