Skip to Content Facebook Feature Image

漢能發出私有化安排函件

錢財事

漢能發出私有化安排函件
錢財事

錢財事

漢能發出私有化安排函件

2019年04月25日 18:22 最後更新:18:33

漢能薄膜發電(566)公布,大股東漢能移動能源作為要約人,刊發有關通過計劃安排方式對漢能進行私有化的通函。

資料圖片

資料圖片

根據計劃,當計劃安排完成後,每股漢能薄膜獨立股東的股份,將被兌換為一股特殊目的公司(SPV)股份。有關計劃股份將會被註銷,而公司業務安排於一間擬於內地A股上市的公司旗下。

有關計劃仍須待獨立股東於5月18日舉行的法院會議的批准,及緊隨的股東特別大會通過。如計劃生效,則預期股份在聯交所的上市地位將在今年6月11日或之前被撤銷。

往下看更多文章

限注

2015年05月22日 00:01 最後更新:16:25

漢能薄膜發電(566)呢隻喪升「神股」,星期三大跌47%之後停牌。表面上睇,有人在公司管理層開股東大會的時候,突襲大手沽貨,殺管理層一個措手不及,所以急急停牌止血。當時話「短期停牌」,但兩日後至今未復牌。

漢能差不跌了一半,但市值仍然超過1630億。炒得咁癲,遇到重挫,牌都停埋,是否這麼容易可以復牌,當無事發生,炒番上去,係一個好大疑問。

這些股,我當然叫大家不要掂。不過,好多時候,講是一回事,聽不聽又是另一回事。有位朋友在漢能仍是4元的時候,不知在那裏聽到隻股會衝上10元,問我點睇。我對這類炒作股票,答案都是「不懂」。好想炒的話,要睇住嚟炒,記住要定10%的止蝕位。

朋友聽完有點無癮,但仍跟我講了一番理論,全部都是關於漢能的業務前景的基本分析,又話佢產品得,又話阿爺政策支持。我告訴他,當時隻股已40倍市盈率,炒股就是炒股,不用講那麼多基本因素。知道是在炒股,防備心便會高些,就會限注,會止蝕,風險有限。但如果相信基本因素,搏老命大注去買,風險就會大好多。

當時的感覺,與朋友有點不歡而散。後來聽其他朋友講他不斷地在5元、6元、7元的時候大手買入漢能,股價在3月一度急衝上9.07元高位,朋友亦意氣風發,大宴親朋。不過,漢能本周大幅跳水,股價急插至3.91元,仲停埋牌。朋友睇怕未及時甩身,估計依家都好傷啦!

好多時候,有人問我點睇某隻炒股,特別係搬出好多基本因素的時候,我都是不懂得如何回答的。只能夠提他不要看基本因素,只看炒作因素。這類股票,很多都是倍升股。叫人不要買,等於阻人發達,因為股價隨時升1倍,甚至10倍。問題係,股票一日未沽,錢未落袋,都只係賬面財富。

不要理會該公司是3千億市值也好,3萬億也好,也不要看牌面上每日有多少成交,關鍵係街外有多少真實嘅貨易咗手,有幾多散戶真的能夠沽貨走人,那才是老散真正贏錢落袋的數字。你沒有沽貨,睇住股價不斷上升,但錢仍未係自己的,唔值得請客食飯慶祝,因為請客是真實開支,未賺嘅錢係唔可以用來結賬。

在牛市期間,未來將會有很多這樣的倍升股出現。質素愈差,股價愈落後的股份,只要有心人推介一下,便有可能會大升特升。我經常講一個笑話,有人問我冧巴,我便會叫他找50大上升榜的股票,合埋眼用手指一督楝一隻,講唔定會發達。

相信大家都明白我的意思:這些無厘頭喪升股,全無基本因素的支持,或者貌似有些基本因素,個股價卻不成比例,其實都係炒股。要買的話,就要有防備心,睇到不對路的話,便要即閃。還要有心理準備,會遇見像漢能一樣的股票,一日會暴跌幾十%,甚至停牌,你要返工唔得閒分分鐘望住佢,想沽已經趕唔切,錢已經被鎖死。所以,玩這類股票的惟一方法,只能夠細注,因為佢有機會升一、兩倍,但也有可能輸清。明白了這個道理,才可以參與。不然的話,遇到漢能咁嘅case,問我點算?我只能夠祝你好運啦。