基因突變......
芒果快踏入當造期，不少市民都會買一兩個享用。日前一名女網民於Facebook發帖，指將一個芒果去皮後，發現果肉表面滿布黑色絲狀細條，如像「腳毛」一樣，即時被嚇怕，上網發帖廣徵意見。女網友說擔心芒果已變壞，請教大家，問「點解一開個芒果個樣生滿晒腳毛咁嘅？仲食唔食得？」，相片一出，即引來大批網民留言，直呼「毛管戙」、「真係似腳毛」、「好嘔心」。亦有網民建議，叫事主「試下用脫毛膏」。有網民則叫切勿食用，「我食過屙咗4次」。
網民Oo Be Li Ba圖
該名女網民Oo Be Li Ba在Facebook群組「今晚煮乜餸？？」發文，指切開一個芒果去皮後，發現果肉表面滿佈「腳毛」，「唔知仲食唔食好」，不久大量網民留言，高呼「毛管戙」、建議「搵個鉗夾曬啲毛出嚟先好食」、「真係似腳毛」、「 梗係唔好食啦，睇見都唔開胃」、「好似血管靜脈曲張」、「杰他他老伯對腳咁款！」、「去做個激光就食得」、「我係一個壞左嘅芒果」。大部分網民都叫事主不要食用，有網民分享經驗，指「壞咗，上次我食咗個有小小黑毛的，屙咗4次」，但亦有網民指，「我都試過，我搣曬啲毛，照食」。
芒果果肉表面滿布黑色絲狀細條，如「腳毛」一樣。網上圖片
有生果檔檔主表示，芒果有黑線的情況少見，認為是芒果「老咗」，生出類似根狀物體，不排除也有機會是變壞，建議不要食用。網上有資料顯示，芒果如出現「黑絲腳毛」的情況，是由於芒果存放太久，導致芒果被氧化，原本的纖維素遭到破壞，建議不宜食用。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
