其實八達通機有提醒餘額不足......
廣東話發音博大精深，有好多同音字，不時導致笑話。有網民在Facebook專頁「膠牌車長生活&製作記事」發文，透露一名巴士女乘客誤將八達通「負錢」聽錯成「付錢」，被巴士車長糾正後，死死地氣入現金。
一名巴士女乘客誤將八達通「負錢」聽錯成「付錢」，被巴士車長糾正後，死死地氣入現金。（資料圖片）
289K巴士車長表示，朝早一位女女乘客上車後， 就拎起個袋掃八達通感應器，八達通機長嗶了一聲。車長見八達通餘額不足，女乘客以為拍不正， 於是等後面的乘客人上車後再試。之後再長嗶了一聲，女乘客於是在手袋拿出銀包再試。八達通機又再長嗶了一聲，於是女乘客從個銀包拿出八達通後再試。
八達通機當然是繼續長嗶一聲，此時車長「直接同佢講負咗錢呀，果位女士以為付咗錢，於是就收起曬啲嘢行入車廂。」車長見狀於是載停她，指「呀小姐，你未比錢喎。」對方反問，「吓？你唔係話付咗錢咩？」，車長解釋「係呀，負咗錢呀。」
女乘客仍會錯意，說「咁咪得囉。」車長無奈解釋，「唔係付咗錢呀，係你張卡無錢呀，餘額不足呀」。女乘客這時才明白，拿出10元紙幣放入錢箱。
有網民就指，「正常人話車資已付都係話『畀咗錢啦』，點解你話『負錢』佢會諗到係『付錢』」，有人指出「其實八達通機個mon應該係有出餘額不足個喎」，有人更戲稱「下次唔好同佢講你負咗錢，你負資產呀！」。
