四哥魅力沒法擋!
現年82歲的謝賢(四哥)於2005年、68歲時,戀上19歲的上海女子CoCo,共譜「爺孫戀」。二人拍拖12年,女方曾開腔表示與他一起,感覺幸福,大讚四哥是紳士,對她呵護備至。
與上海姑娘CoCo拍拖十二年的四哥,由於較女方年長四十九歲,故被稱「爺孫戀」。直至去年,四哥表示雙方已經分手。(《東周刊》圖片)
不過,去年四哥忽然自爆「甩拖」,獨居於2000多呎海景豪宅的他自嘲是「老人與海」,大呻寂寞:「無拖拍先死,真係好悶,起身就望住個海,早餐、食飯都係一個人,好枯燥。依家有少少嘢搵我做,就開心啲,否則真係好似坐監咁!」
資料圖片
據《東周刊》報道,縱橫演藝界64年的四哥,早前在香港電影金像獎頒獎禮上,獲「終身成就獎」,以表揚他對香港電影的貢獻。玉樹臨風、風流倜儻的的他心情似乎十分風騷,相約友人到尖沙咀的帝苑酒店的中餐廳晚膳,似為自己奪此殊榮慶祝,期間,同座的一名年約40多歲,樣貌跟他初戀情人嘉玲八成相似的中年艷女,更向他狂施冧功、大拋媚眼,足證四哥魅力驚人。
日前晚上,82歲的四哥不愁寂寞,有電眼艷女陪他開餐,慶祝攞「終身成就獎」,心情勁靚勁風騷。(《東周刊》圖片)
風度翩翩的四哥,飯後撩牙都keep住有型有款,一邊chok住撩牙,一邊跟中年艷女談笑風生。(《東周刊》圖片)
更多娛樂消息,請看東周網:http://eastweek.my-magazine.me/main/entertainment
謝霆鋒激罕用5字回應感情事!
藝人謝霆鋒與韓國歌手鄭智薰(Rain)一同現身澳門,出席高端時尚運動品牌K-Swiss澳門威尼斯人旗艦店開幕活動。問到可有想過同Rain合作?霆鋒表示:「呢啲事要發生都係順其自然。」
謝霆鋒現身澳門出席活動。
霆鋒受訪時激罕回應感情事。
霆鋒透露剛去完日本滑雪,問到女友王菲都鍾意滑雪嗎?他表示王菲不喜歡滑雪,問到女友的事,霆鋒便笑笑口:「唔講呢啲喇!」講到早前傳出爸爸謝賢身體出毛病,霆鋒立即替爸爸澄清:「希望大家唔好亂咁傳,佢好好,我有同老竇見面,佢嘅情況我好清楚,大家唔使擔心。」
大爆女友王菲唔鍾意滑雪!
提起王菲即甜絲絲!
現場Kenny表示要向他討利是,霆鋒即開Kenny玩笑指Kenny搞錯了,論輩分年紀Kenny應該給他利是,他笑指:「佢誤會咗我哋嘅年齡,我後生過佢。」但事實是霆鋒較Kenny年長,擺明開玩笑!
專心睇騷。
同場還有韓國歌手鄭智薰(Rain)。