娛圈事
希望Alfred早日願望成真！
許廷鏗（Alfred）到電台宣傳新歌《單數》，笑指是單身宣言，剛好新歌在生日正日（4月29日）推出，有少少想鼓勵自己和身邊朋友，其實單身都不錯，「單身都要自強，也可過得精彩，但當然都希望有日找到合適的另一半。」
許廷鏗到電台宣傳新歌《單數》。
網上圖片
Alfred又說已單身八年多，期間有試過拍散拖，但都未能真的開始發展，他坦言對象有圈內和圈外人，但因藝人工作不穩定，初期又不能公開，故對圈外伴侶不公平。
許廷鏗笑指單身也可過得精彩。
Alfred笑說：「其實現在藝人拍拖都不用收埋，如果我拍拖，感情穩定時大家都會影到，我都期待和大家分享開心事。」又說最近忙於做新歌，希望今年能推出國語碟和廣東碟，明日就會出發到西班牙工作，但此行只逗留四日，沒有時間周圍去玩。
網上圖片
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
