黃任匡指劉正做到咁過份，同何俊賢有咩分別呢？
因佔中案被判入獄8個月個月的社福界立法會議員邵家臻，上周五完成「通波仔」手術，他今日出院，被安排直接送往赤柱監獄服刑。中文大學講師劉正卻在其facebook專頁諷刺邵在醫院服刑「著數」；屯門醫院心臟科醫生黃任匡則在facebook不點名反駁，直斥「著數？不如你瞓上床，俾我通個波仔試下吖。」
劉正在所設的專頁揶揄邵「著數」。（網上圖片）
劉正在所設的facebook專頁「無神論者的巴別塔」發文稱「邵家臻經已親身示範，判刑後先至話自己有病要做手術係幾咁著數」，又揶揄邵以公帑為自己治病，宣布判監至今仍未入獄。
黃任匡則在個人facebook專頁反駁稱「之前大家鬧陳淑莊，我一直忍。今次真係忍唔到」，又指在醫院服刑好慘，因全日24小時被懲教人員單對單監視，比監倉更無私隱；同時也要被鎖上手銬於床欄，比監倉更無自由。
黃任匡不點名批評劉正。（資料圖片）
黃更在文末標註「做到咁過份同何俊賢有咩分別呢」。同樣因佔中案而被判刑的公民黨立法會議員陳淑莊，因腦部病情，法官延後至下月10日判刑。民建聯立法會議員何俊賢日前曾就此冷嘲熱諷。