Skip to Content Facebook Feature Image

無帶護照仍成功上機?蘇施黃:睦鄰多麼重要

娛圈事

無帶護照仍成功上機?蘇施黃:睦鄰多麼重要
娛圈事

娛圈事

無帶護照仍成功上機?蘇施黃:睦鄰多麼重要

2019年05月08日 11:36 最後更新:11:36

遠親不如近鄰。

金燕玲年初發現患上子宮癌,密友蘇施黃一直積極樂觀陪伴抗癌,而且抗癌進展理想,但於上周五(3日)阿穌就透露自己生蛇,但否認因為照顧金燕玲太操勞所致。病未痊癒,阿穌就要飛到日本為Viu TV拍節目,但上機前就發生了件瘀事。

資料圖片

資料圖片

阿蘇在社交網站發文:「唉!人生第一次,連我司機都話你好少咁...昨天早上去日本為ViuTv拍攝,去到counter,服務人員問我『Passport吖,小姐』『Passport????』根本冇呢件事!立即打電話返屋企叫工人揾,仲要揾人拿給我...結果搞了十分鐘,工人找到passport,住我樓下的鄰居叫司機車來機場給我,你話睦鄰多麼重要。」

網上圖片

網上圖片

最終,阿蘇都能趕及上機,她又感謝航空公司的工作人員不但陪她等,又一直安慰她,更帶她去閘口,令她慨嘆:「今時今日香港人有Hong Kong Airlines的態度便好了 。」

網上圖片

網上圖片

往下看更多文章

向衛詩雅剖白從離婚遇到真愛 金燕玲貪圖蘇施黃照顧六年時間磨合

2023年12月01日 20:00 最後更新:20:39

《不日成婚2》中飾演衛詩雅奶奶的金燕玲擔任《衛食攻略》嘉賓

衛詩雅(Michelle)拍攝的網上飲食節目《衛食攻略》,30日上架的一集請來於電影《不日成婚2》中飾演衛詩雅奶奶的金燕玲任嘉賓。為了招待識飲識食的金燕玲,Michelle一早到達出名食中菜的「駿景軒」準備,並謂:「今日一定要妥當啲!」之後洗餐具、向餐廳經理double check食物情況、更連坐位是否風口位也要檢查,認真貼心。金燕玲到場後即大讚Michelle安排的餐廳,「唔係讚你公司,我真係佢哋嘅擁躉,如果晏晝飲廣東茶,我一定嚟呢度飲,晚飯更加唔駛講,唔係賣廣告,係真心,呢度冇乜嘢我覺得唔好食。」

相關影片可以按以下畫面觀看:

影片連結:www.youtube.com/embed/tWSnskfQUcE

衛詩雅(Michelle)拍攝的網上飲食節目《衛食攻略》,30日上架的一集請來於電影《不日成婚2》中飾演衛詩雅奶奶的金燕玲任嘉賓

衛詩雅(Michelle)拍攝的網上飲食節目《衛食攻略》,30日上架的一集請來於電影《不日成婚2》中飾演衛詩雅奶奶的金燕玲任嘉賓

衛詩雅(Michelle)拍攝的網上飲食節目《衛食攻略》,30日上架的一集請來於電影《不日成婚2》中飾演衛詩雅奶奶的金燕玲任嘉賓

衛詩雅(Michelle)拍攝的網上飲食節目《衛食攻略》,30日上架的一集請來於電影《不日成婚2》中飾演衛詩雅奶奶的金燕玲任嘉賓

二人邊食邊傾偈,Michelle提到大家對金燕的印象應該是早上六點起床,會看小說,做瑜珈,到花園走走,很寫意的生活,但金燕玲表示:「好似每樣都唔係,我好夜瞓,平均三、四點先瞓,早起身對我嚟講係一件好痛苦嘅事。」她提到曾經有位記者想跟拍她一星期的日常,當中牽涉蘇施黃,「佢意思係點解一個女人好似我咁樣經歷咁多嘢,離過兩次婚、無端百事最後又同個女人一齊,跟住又生兩次cancer,佢會覺得點解一個人身上可以發生咁多事。」問到如何認識蘇施黃?金燕玲坦言二人一開始只是雀友的朋友,一點都不熟,「佢知道我當時嘅處境,可能佢鍾意我啦,又覺得我好慘,佢話:『人哋撈呢行你又撈呢行,你撈得咁淒涼?』嗰陣時我都五十歲,其實我係想講,『我係貪圖你照顧我。』但你係我嘅partner,我哋係一齊住,你出去你都係我嘅the other half!」金燕玲謂並非因為離婚受了刺激而轉性取向,而是因為蘇施黃提供一個照顧她的方案,「但我話:『我唔係攣㗎喎。』同埋我話:『我唔識㗎喎,你要做乜㗎?』哈哈!」

她提到曾經有位記者想跟拍她一星期的日常,當中牽涉蘇施黃

她提到曾經有位記者想跟拍她一星期的日常,當中牽涉蘇施黃

問到如何認識蘇施黃?

問到如何認識蘇施黃?

金燕玲謂並非因為離婚受了刺激而轉性取向

金燕玲謂並非因為離婚受了刺激而轉性取向

金燕玲謂並非因為離婚受了刺激而轉性取向

金燕玲謂並非因為離婚受了刺激而轉性取向

金燕玲又大爆蘇施黃追她追到去英國,「你都唔知佢追我時係幾咁romantic,佢情人節飛嚟倫敦一日。佢呃我話有個朋友會嚟倫敦,問我喺香港有乜嘢需要買,託佢拎俾我。我話英國好難買中式鑊,如果佢朋友唔介意就幫我買兩隻鑊過嚟啦,哈哈。之後一日佢話佢朋友到咗英國,俾咗酒店地址叫我搵佢攞,第二日晏晝去到就係佢囉!之後佢就同我食晏,又請我上佢房,我又好夠膽上去,上到房係完全冇嘢做,只係傾偈。」她坦言二人一起,相處了差不多五、六年的時間,她才覺得舒適。蘇施黃更改變了她的想法,從一個「唔知可以捱到幾耐」的心態跟她開始,「結果我同呢個人嘅時間係長過我兩段婚姻加埋!佢從來冇逼我做任何事。我哋一人一間房,生活獨立、經濟獨立,但係屋企照顧佢做到嘅佢盡量照顧晒。」因為蘇施黃,金燕玲對愛有新的體會,「以前兩段婚姻我係奉獻,對方鍾意呢樣嘢,我就去做,氹佢開心,付出係冇問題,但付出到冇自己就係一個問題。」她更警醒女性們,「為屋企為老公為仔女付出係應該,但你唔可以冇咗自己,你應該要保持自己嘅興趣,同埋工作。」

金燕玲又大爆蘇施黃追她追到去英國

金燕玲又大爆蘇施黃追她追到去英國

你 或 有 興 趣 的 文 章