經歷婚變後夫妻感情更好 Eric Kwok又幫老婆做外賣仔

現在Eric Kwok和老婆葉佩雯可謂模範夫妻！

因為與羅拔唐尼（Robert Downey Jr.）似樣，而有「港版Iron Man」之稱的郭偉亮（Eric）與老婆葉佩雯（Grace），由拍拖到結婚一齊24年，二人不生小朋友主力湊狗，加上是「無飯」夫婦，所以經常見男方在跑馬地或銅鑼灣買外賣回家。

郭氏夫婦之前養咗三隻狗狗，但三隻都年紀大去晒彩虹橋，夫婦去年尾再養了菠蘿，現在一家三口。

外國長大的Eric Kwok，鬼仔思想什麼都不怕講，早年曾坦言與老婆並非大家所見那樣「模範」，曾兩度面對婚姻破裂，幾乎離婚。他自爆曾經背老婆出軌：「應該話我做咗啲係男人都想做嘅嘢！」Grace則為報復Eric Kwok，而學老公偷食，最後二人發現仍然深愛對方，決定互相原諒，從新開始。

網上圖片

網上圖片

事情過了一段長時間，Eric Kwok表示：「係人都會做錯事，但不會再犯！」做錯事最重要肯改，所以郭氏夫婦感情愈來愈好，隔幾個月就去旅行，羨煞旁人！

網上圖片

網上圖片

日前晚上，著得好casual的Eric Kwok，揹著小販款斜孭袋現身銅鑼灣，見他入了一間冰室買外賣，然後在店外等，等候期間他有講電話、有周圍望，還匿在暗位食煙，等了半個鐘再拿着兩大袋外賣行去利園停車場駕車離開。

雖然一身黑又着得普通，但港版Iron Man並非浪得虛名，雖然條街好多人，但一見就見到佢。

等外賣最佳活動就係撳電話。

聽住語音訊息嘅Eric周圍望。

Eric等等吓行埋一邊食煙。

Eric買咗兩大袋外賣，估計有湯飯或湯麵。

《新城體育會》再出動打羽毛球！

《新城體育會》昨日（4月24日）舉辦了第三次羽毛球活動，新城廣播有限公司首席營運總監馬浚偉帶領「新城羽毛球隊」，邀請歌手郭偉亮（Eric Kwok）、黎展峯（Andy）及龔柯允（Karen）齊齊打羽毛球揮灑汗水，而新城知訊台台長程凱欣亦首次落場，獲得馬浚偉大讚台長：「打得好好喎！」台長更貼心地一直陪著自嘲來執波的龔柯允打波，馬浚偉更鼓勵Karen：「肯出嚟做運動，出身汗，已經好好啦！」

《新城體育會》昨日（4月24日）再出動打羽毛球。

郭偉亮打波反應快 但自言冇乜耐性
眾所周知Eric Kwok熱愛滑雪，但他其實同樣熱愛羽毛球，Eric Kwok表示：「我個幾禮拜就會打一次羽毛球，都打咗十幾年，啱啱返香港時成日同趙增熹一齊打，嗰時操得好勁，一星期打兩三次，又有教練教，但自從做咗XiX經理人之後就冇再打。」他解釋因之前打羽毛球拉傷膊頭，故休息了兩個月沒再打。

今次是Eric Kwok相隔十年再跟馬浚偉打羽毛球，他憶述：「我記得大概係十年前，有個唔知咩比賽同馬生打過一次，印象中佢打得好好，佢又高，有晒打羽毛球的身形。」問Eric Kwok有甚麼絕招？他笑言：「絕招就係好快打完，我冇乜耐力，但反應快，始終都係要練習。」

Eric Kwok同陳奕迅（Eason）老友鬼鬼，二人亦經常相約打波，他表示：「佢本身係打網球，我有一排都同佢打羽毛球，佢都打得好好。（邊個勁啲？）網球佢勁我好多，因為佢主力打網球，羽毛球我打得耐過佢，有時會教佢，但最主要我哋玩雙打好開心，我哋好夾、好有默契，又唔會爭波打，唔會在乎輸贏，同佢打波好開心，佢成日笑。」

黎展峯小時候獲任職羽毛球教練外公教授羽毛球技。

嬌小龔柯允原來是籃球健將，馬浚偉承諾稍後安排打籃球。

黎展峯靠做運動減壓 最近學耕田
黎展峯（Andy）球技似模似樣，他透露小時候獲任職羽毛球教練的外公教他打羽毛球，所以自小已打羽毛球，他笑言：「我身高183cm，係高度取勝，唔打得都睇得，但技術要再鍛鍊，平時都會約同公司的歌手黃明德打籃球，當自己有壓力或者想抒發吓就會做運動。」而近日他更一嘗耕田滋味：「我朋友有個地方自己種菜，唔係玩盆栽仔嗰啲，真係有塊田要除草、翻土，成件事身心都好健康，本來以為好易，但原來要用晒成身，仲辛苦過跑步。」

龔柯允自嘲來執波 興奮獲馬浚偉承諾安排打籃球
至於龔柯允（Karen）則自嘲是來「執波」，她稱：「我係鄉下式打法，完全冇技巧可言，所以過嚟執波，或者搵Eric sir教我。」不過身形嬌小的龔柯允，原來是籃球校隊，她笑稱：「如果唔打會更加矮，同埋因為高度問題，冇辦法落場，雖然爸爸係籃球會主席，但佢唔會因為咁偏心我，反而自己會游水、跑步、踩單車，練吓肺活量，對唱歌好有幫助。」馬浚偉並向她許下諾言，稍後安排打籃球，Karen聽到後，十分興奮表示一定報名出席！

郭偉亮自爆打波絕招……就是……好快打完！

馬浚偉與郭偉亮、黎展峯、教練Arthur玩雙打。