*

upload_article_image

「火龍果」爆紅 張敬軒笑:佢出場費貴過我

軒仔指「火龍果」將會推出《Pretty Hungry》 單曲。

張敬軒(軒仔)、王麗嘉和姜濤等現身手袋品牌新系列期間限定體驗展,現場有過百名粉絲到場支持,不時大叫姜濤軒仔的名字。軒仔笑指粉絲「無得頂」,每次見到姜濤都會覺得老懷安慰,因為好多年前香港藝人有這樣的陣勢,認為組合Mirror同姜濤的出現有返希望:「其實本地藝人好有號召力,就算粉絲嗌得不夠大聲,只可能粉絲同我一樣都老啦!」

軒仔、王麗嘉及姜濤等出席手袋品牌活動。

軒仔笑指每次見到姜濤都會覺得老懷安慰。

早前化身「火龍果」惡搞容祖兒的軒仔自爆,原本大會叫他以「火龍果」造型出現,但為免「新人」囂張,而且「火龍果」出場費貴過他。軒仔又笑言自從「火龍果」片段出街後,所有人叫他做「火龍果」,「幾開心,創造了一個話題出來。」

軒仔早前化身「火龍果」,惡搞容祖兒。

問到可有興趣創作電影?軒仔說:「『火龍果』大戰降兩度!簡稱「降火」,都好呀!不過嚟緊「火龍果」會推出《Pretty Hungry》 單曲,而且爭贏會在澳門站演唱會做表演嘉賓。」

「火龍果」將會推出《Pretty Hungry》 單曲。