將閉關半個月 張曦雯飛洛杉磯讀戲劇課程

Kelly，加油！

33C女神張曦雯（Kelly）樣靚身材惹火，入得廚房還勁愛打機，被巴打捧為打機女神。近年，上位Kelly劇接劇，坦言不想只做「花瓶」，早前正式向公司攞了個半月大假，將飛美國洛杉磯讀演藝課程，找到個好老師增值自己，因為學費同生活費不平，唯有慳住使做窮學生。

前華姐冠軍張曦雯稍露長腿，巴打們都like爆。

張曦雯體態完美，玉背省鏡。

TVB的王牌節目《3日2夜》多年來捧紅不少水著女神，在該節目彈起的Kelly早前去泰國曼谷和象島取景，但因為時間太趕，未有著性感比堅尼派福利。她還補充泰國之行一件漏網趣事：「我同象仔喺水中沖涼時俾佢踩瘀隻腳呀，其實出發前朋友已溫馨提示，提我要同象仔保持距離，點知其中一隻象瞓醒提起腳，放低腳時輕輕觸碰到我腳面，咁就搞到我隻腳腫咗，痛咗幾日。」

Kelly被可愛小象踩腫了隻腳，冇陰功囉。

今次旅程後，Kelly就開始「閉關」：「月中我同《跳躍生命線》演員馬德鐘、張彥博、羅天宇、何廣沛去雲頂開演唱會，第一次喺大場唱六首歌，好期待。之後去洛杉磯一個月讀演藝課程。我冇問過登台酬勞，反正喺美國個半月零收入，用嚟幫補吓囉，所以呢幾個月使少咗，買少咗嘢。其實學費叫合理，但要租屋，洛杉磯支出比其他城市貴，我租個好細嘅單位，到時媽咪、細佬會喺芝加哥過嚟探我，媽咪會煮飯，可以慳返啲。」

呢套bra top是泰國之行唯一「福利」。

Kelly着deep V長裙展現高貴優雅。

自劇集《跳躍生命線》爆紅後，Kelly劇接劇未停過：「呢年幾拍劇，跟前輩邊做邊學，根本冇時間進修。美國返嚟我又要開劇，希望今次準備好啲，帶新嘢俾觀眾睇，我對自己要求好高，希望做個好演員。」

之前拍《法政先鋒IV》喺大廈外牆吊威吔拍攝，Kelly好搏喎。

早前，Kelly 拍新劇《飛虎之雷霆極戰》同黃宗澤多對手戲，係受捧安排。

張曦雯激動到青筋都現埋！

由廖晉碩監製、林麗媚擔任編審的《再見‧枕邊人》，逢周一至五晚八點半翡翠台播映，主要演員包括馬德鐘、黃智雯、張曦雯、羅天宇、徐榮、鄭俊弘、尹詩沛及杜燕歌等。

張曦雯再出演浸浴戲碼。

呢個淚崩畫面真係超震撼！

Rachel（張曦雯飾）與爸爸朱賢達（杜燕歌飾）對話好傷感。

故事邁向結局周，雖然推顧晴天（黃智雯飾）落懸崖真兇仍未水落石出，但幾位男女主角的感情線繼續成為焦點，因為Rachel（張曦雯飾）收到晴天與萬森（馬德鐘飾）的擁吻片，妒火中燒的她決定終極擘面，相約晴天到中環碼頭講數玩互摑之後，昨晚（21日）一集再大晒心機，竟扮食安眠藥兼在沖涼期間扮睡著搏取萬森緊張及同情，不過由於萬森早對Rachel起疑心，當場踢爆Rachel做戲，怒羞成惱的Rachel再度爆seed反擊，信任早已崩毁的「森美戀」危在旦夕…另邊廂晴天因意外跣倒撞到頭，腦內突然湧現關鍵回憶，相關回憶再度指向萬森是Big Boss！另晴天之前腦海亦曾閃現一名滿頭鮮血的女子對她說：「你老公唔畀我見你，啲嘢喺佢度呀！」到底楊萬森是否真的有古怪？

Rachel（張曦雯飾）與爸爸朱賢達（杜燕歌飾）對話好傷感。

張曦雯淚腺也太發達了吧！

張曦雯淚腺也太發達了吧！

張曦雯淚腺也太發達了吧！

受盡委屈爆喊
昨晚焦點場口，絕對是張曦雯長達兩分半鐘的超委屈淚崩戲，劇情講述萬森與Rachel婚禮再度因為教堂維修事宜延期，由於Rachel深信萬森提出延期只是藉口，因而感到非常不安。Rachel父親朱賢達（杜燕歌飾）不甘女兒受委屈，欲打電話責備萬森之際，原本已進入暴走狀態的Rachel即時情緒失控，怒掟手機落地並咆哮：「唔使呀！都話唔使你囉！」並壓力爆煲崩潰痛哭：「我係委屈，但可以點呀？為咗佢，我咩都可以做，我咩都可以包容，我咩都可以忍，我愛佢呀！我好想嫁畀佢！但我逼得太緊，佢會唔要我，佢會唔要我㗎……」

Rachel扮食完安眠藥去浸浴嚟到博同情，好奸。

Rachel扮食完安眠藥去浸浴嚟到博同情，好奸。

楊萬森（馬德鐘飾）發現Rachel瞓咗喺浴缸。

萬森發現Rachel根本冇食安眠藥。

萬森發現Rachel根本冇食安眠藥。

張曦雯由眼泛淚光到淚崩再到嚎啕大哭，短短一場戲呈現出三種層次情緒，更一度哭至青筋現形，相當投入，而網民亦看得相當肉緊，直呼：「朱朱好可憐」、「我係Rachel一定同晴天攤牌：個仔歸你、個男人歸我！」另張曦雯在社交網亦分享了拍攝浸浴戲花絮片，只見著了肉色打底上衣、頭披浴巾的她浸在泡泡浴中扁晒嘴狀甚可憐，緊接傳來的是工作人員的聲音：「好慘」、「十個鐘滾水」，證明了曦雯為了拍攝相關戲份，足足浸了多個小時熱水，盡顯專業一面。

Rachel向萬森展示晴天（黃智雯飾）同佢擁吻嘅影片！

晴天曾閃回一段記憶，一名浴血女子向她披露了重要線索。

晴天曾閃回一段記憶，一名浴血女子向她披露了重要線索。