「星級粉絲」群姐與Bobby合照後，更笑道：「搞到我心肝卜卜跳！」
歐陽震華（Bobby）回到將軍澳電視城，為處境劇《愛．回家之開心速遞》開工，將會以古裝扮相客串兩集。劇中許思敏（群姐）對Bobby可說是相當癡情，經常與他的紙牌人對戲成為網民熱話，一直希望劇組可以聽到民意，安排二人同台演出。身為「收視福將」的Bobby人氣勁，除了與「星級粉絲」群姐合照外，亦有工作人員主動向他集郵，而群姐影合照後，更笑道：「搞到我心肝卜卜跳！」
Bobby一開工就攬住群姐合照，難怪群姐心肝仔跳。
早前Bobby在社交網站貼出與熊家人的合照，宣佈將客串演出，Bobby透露是他主動向高層曾勵珍提出客串，笑說：「好開心劇組對我咁好，令我一直在劇集亮相，見到網友都話希望我可以演出，最近又不是太忙，我就趁與珍姐傾工作，順便問問可否客串，佢諗一諗就答應，不過想不到是古裝。（紙牌人是以前劇集道具？）我在公司有好多相，佢哋要整紙牌人真係好容易。（紙牌人上鏡有騷錢收？）哈哈，要問返劇組先得！（有冇機會時裝拍多幾集？）要睇睇反應先知有冇機會。（珍姐有冇叫你返TVB拍劇？）今次見面就係傾工作，年底會拍一套時裝新劇。」
Bobby一開工就攬住群姐合照，難怪群姐心肝仔跳。
工作人員亦有向Bobby集郵。
許思敏飾演的「群姐（Isabella）。
