僱主何必強人所難？
資料圖片
上水屠房早前有豬隻含有非洲豬瘟病毒，政府其後決定銷毀屠房內全部逾6000隻豬，以致全港沒有新鮮豬肉供應。然而，有網民近日在網上發文，指有僱主要求家中外傭到街市購買新鮮豬肉，並直指「如果唔係唔可以返屋企」，令她在街市門口痛哭。
資料圖片/FB截圖
有網民在facebook群組「外傭僱主必看新聞訊息」發帖，指自己的工人早前在經過街市門口時，看到有同鄉拿住電話並不斷哭泣，隨即上前了解。其同鄉指，「老闆要買新鮮豬肉，如果唔係唔可以返屋企」，樓主的工人隨即解釋指，「豬有病，全港都無」。誰料，其同鄉聞言即痛哭，「因為佢搵咗3個鐘」。樓主的工人與同鄉繼續交談後，始知對方到港不足一個月。樓主在文中不禁呼籲，「每人做事都唔同... 得閒咪同姐姐傾多兩句」。
資料圖片
不少網民其後紛紛留言，對該名外傭大表同情，指「慘慘豬吖個姐姐」、「真陰公」、 「呢個傭主睇怕都難相處，人家剛到埗一個月，你估識飛」等。另外，亦有人指，「證明姐姐好緊張份工，僱主可能唔知，姐姐又唔識表達」、「大家住同一屋簷下，互相尊重，體諒下」等。
資料圖片
有港男召Uber Taxi ，上車後司機強收「回程隧道費」，他拒絕後即遭「踢單」，結果⋯
示意圖。設計圖片
Uber的士司機強收「回程隧道費」
該港男於Facebook發文，表示「本人幾乎每日使用 Uber 上下班，第一次遇到如此過份之司機」。他指日前早上以Uber App預約的士，打算由長沙灣前往北角寶馬山，當他上車及扣好安全帶後，司機竟要求他以現金支付「回程隧道費」。樓事主立即拒絕並質疑「Uber 唔係咁樣架喎。你第一日揸Uber呀？」。司機則反駁「咁我九龍車，過咗海唔通要吉車返九龍？」
(FB圖片）
港男拒付即慘遭「踢單」
司機疑不滿樓主拒絕支付現金，於是拿出手機取消行程「踢單」，更慌稱「我唔小心撳錯掣取消行程，你落車。」事主因趕時間，所以沒有與司機理論，他以手機影了的士司機證後，便登上 Uber 安排的另一架的士離開。之後事主再向Uber投訴該司機濫收車資，更將其資料放上社交平台公審。
(FB圖片）
原來該的士司機是慣犯！
帖文曝光後，不少網民批評司機的做法「Uber 的士係唔可以私下收費，唔想過海就唔好接」、「又要用人平台，又要唔跟人地規矩」、「的士佬質素之差並非浪得虛名」；有人表示試過遇到同一司機而中伏「我之前都試過1次，又係call Uber！又係呢個司機！call車由青衣去中環！佢咁呢條友就接咗我order，嚟度我一上車問我去邊，我話中環，佢就一句我唔過海，你張單我取消咗，叫我即刻落車！」
(FB圖片）
網民反寸用Uber叫的士，港男咁樣回應
不過亦有網民反寸事主用Uber叫的士「叫Uber taxi係貪平？貪方便？花得錢就坐好少少」、「正正經經call Uber咪無事，硬係要call Uber Taxi」、「日日call uber 要求Taxi服務，天才」。事主則不忿回應表示「我用得 Uber 係求快嘅，邊種快有車就揀邊種架啦⋯罵我用 Uber 但用 Uber Taxi 嘅人，係咪未試過 Uber X 有時要等10-15分鐘先有車？話我應該等都唔應該搭 Uber Taxi 嘅人，我等得搭地鐵啦⋯」
帖文來源：Facebook
