Skip to Content Facebook Feature Image

向男方提分手牀照即流出 姚子羚:我都係一個受害者 

娛圈事

向男方提分手牀照即流出 姚子羚:我都係一個受害者 
娛圈事

娛圈事

向男方提分手牀照即流出 姚子羚:我都係一個受害者 

2019年05月21日 18:05 最後更新:18:06

有內情?!

姚子羚(Elaine)前日(19日)突被指戀上人夫Raymond,陷入「四角關係」,子羚其後現身交代事件,強調與Raymond認識時對方是單身,兩人相戀半年已分手,並非搶人老公。子羚稱向男方提出分手後,牀照「湊巧」便流出,直言:「一定有人故意咁做,想去影響我......其實我都係一個受害者!」

姚子羚昨日驚爆與已婚夜店董事Raymond Young拍拖八個月。(《東周刊》圖片)

姚子羚昨日驚爆與已婚夜店董事Raymond Young拍拖八個月。(《東周刊》圖片)

現年38歲的姚子羚,自去年三月與拍拖四年的男友鄭子邦分手後,經朋友介紹,邂逅現年41歲的失婚男、Dragon-i前董事Raymond Young。據《東周刊》引述密友指,Raymond隨即展開熱烈追求,他亦向子羚坦承與前妻蔡宛珊分居中,並正辦理離婚手續。

密友憶述:「去年10月,Elaine去泰國拍攝新劇《黃金有罪》時,Raymond為冧女友,於是飛到當地探班,令到Elaine驚喜。兩個熱戀中嘅男女,溫馨浪漫完,Raymond咪趁Elaine未瞓醒,偷影張牀照囉。」

姚子羚接受《東周刊》訪問,回應與Raymond Young牀照外洩事件。

姚子羚接受《東周刊》訪問,回應與Raymond Young牀照外洩事件。

最近,子羚向Raymond提出分手,事有湊巧,她與對方的親密牀照,亦隨即被流出。子羚向《東周刊》表示,身為公眾人物,拍拖時低調,甚少影相,有諗過牀照點解會流出,但不深究遭何人陷害。「首先我唔會預料,我哋嘅親密照片會流出去任何一個公開嘅地方。因為呢啲都係我哋嘅私隱,幾好嘅朋友都唔會公開,結果發生咗;一定有啲人,故意做啲嘢,而想去影響我......其實我都係一個受害者。」她強調:「牀照係我唔知嘅情況下被偷拍,當時我瞓緊覺,有着衫。」

姚子羚解釋不知道有床照。

姚子羚解釋不知道有床照。

對於外間盛傳可能有她與Raymond的情慾片流出,子羚非常鎮定的表示:「冇同佢有影過任何情慾照,冇AV啦,肯定冇嘅!」問到會否擔心被偷拍?她說:「如果我被偷拍,唔理邊個做,某程度上我係一個受害者......如果去到呢個moment,我都希望傳媒幫我講句公道說話。」

姚子羚 (東星圖片)

姚子羚 (東星圖片)

往下看更多文章

姚子羚爆Seed發力打飛對手兼爭啲撞爛佈景 宋世傑陷兩難與玲瓏離婚

2024年02月20日 12:30 最後更新:17:16

姚子羚展示一鏡到底晒層次式喊功!

由張達明監製、林子聰任總導演、林子聰及韓辰辰任編審的《狀王之王》,本周一至四晚九點半翡翠台播映結局篇。19日一集劇情講到阿九(金剛飾)向小鳳(王子涵飾)表白成功,惟兩人確立關係後,小鳳卻遭逢不幸,外出買夜宵期間慘遭迷暈兼被強暴,眼見心愛的女人慘遭辣手摧花,阿九失控爆喊!另邊廂,宋世傑(王浩信飾)獲邀出任英國使節阿德里安(迪瑪飾)名譽侵損案訟師,小鳳憑着紋身認出該名英國使節正是強暴她的男子!由於案件牽涉到國家層面,世傑有感接不接相關官司均是死路一條,陷入兩難的他最終決定休了玲瓏(姚子羚飾),並接受使節委託……

玲瓏同世傑究竟可唔可以行落去呢?

玲瓏同世傑究竟可唔可以行落去呢?

小鳳同阿九確定關係冇耐就遭逢不幸,小鳳慘遭辣手摧花!

小鳳同阿九確定關係冇耐就遭逢不幸,小鳳慘遭辣手摧花!

小鳳同阿九確定關係冇耐就遭逢不幸,小鳳慘遭辣手摧花!

小鳳同阿九確定關係冇耐就遭逢不幸,小鳳慘遭辣手摧花!

小鳳好可憐。

小鳳好可憐。

昨晚一集劇情緊湊,其中一幕講到玲瓏獲悉強暴小鳳的真兇是英國使節時,即時激動爆喊說:「我要殺咗佢!」知道事關重大的世傑即跳出來勸她冷靜,怎料情緒失控的玲瓏狠狠地將他推向門;之後喝醉的世傑對著玲瓏大拋狠話兼嚷著要離婚:「我上一世唔知做錯啲咩,要娶着個咁蠢嘅老婆,我頂唔順喇,唔想再頂!」玲瓏聽罷先是忍淚怒摑宋世傑,之後再嚎啕大哭,大晒層次式喊功,演出相當搶戲。

小鳳認出阿德里安就係強暴佢嘅兇手!

小鳳認出阿德里安就係強暴佢嘅兇手!

玲瓏即時失控話要殺咗阿德里安幫小鳳報仇。

玲瓏即時失控話要殺咗阿德里安幫小鳳報仇。

子羚就係呢吓差啲整爛咗佈景!

子羚就係呢吓差啲整爛咗佈景!

好彩宋世傑最後都阻止到玲瓏。

好彩宋世傑最後都阻止到玲瓏。

最後陷入兩難嘅世傑決定同玲瓏離婚。

最後陷入兩難嘅世傑決定同玲瓏離婚。

玲瓏先係忍淚怒摑世傑。

玲瓏先係忍淚怒摑世傑。

再衝出門口放聲大哭,呢場戲以一鏡到底手法拍攝,令子羚晒層次式喊功時更見揮灑自如。

再衝出門口放聲大哭,呢場戲以一鏡到底手法拍攝,令子羚晒層次式喊功時更見揮灑自如。

世傑其實都好唔捨得同玲瓏離婚。

世傑其實都好唔捨得同玲瓏離婚。

林子聰預告結局周大派洋蔥

另王浩信、姚子羚、陳楨怡和林子聰接受無綫娛樂新聞台《Star Talk》主持王鎮泉訪問,身為導演的子聰透露劇情去到最後一周將越來越多洋蔥。談到子羚情緒失控場口,浩信爆料指子羚差啲撞爛佈景:「嗰場戲我叫子羚盡情嚟啦,因為我都做開Gym,諗住頂得住啦,點知佢一火起上嚟將我成個人推向道門,我都嚇咗一嚇,當刻佢嘅情緒好高漲,冇理由嗌Cut㗎嘛,拍完之後我話:『你好勁喎,我後面道門差啲畀你拆咗!』」之後再提到世傑休妻場口,子羚一氣呵成爆喊戲十分搶焦,原來子聰導演為了達到最佳效果,刻意安排一鏡到底拍攝手法,子羚坦言該場戲難度很高:「最大難度係喺間屋入面唔可以喊,但一出咗道門就要爆喊,好開心可以畀我一Shot落做到呢件事,唔會斷咗嗰刻嘅情緒,因為谷住谷住好辛苦,反而爆咗出嚟係最正!」

王浩信、姚子羚、陳楨怡和林子聰接受無綫娛樂新聞台《Star Talk》主持王鎮泉訪問。

王浩信、姚子羚、陳楨怡和林子聰接受無綫娛樂新聞台《Star Talk》主持王鎮泉訪問。

王浩信、姚子羚、陳楨怡和林子聰接受無綫娛樂新聞台《Star Talk》主持王鎮泉訪問。

王浩信、姚子羚、陳楨怡和林子聰接受無綫娛樂新聞台《Star Talk》主持王鎮泉訪問。

王浩信、姚子羚、陳楨怡和林子聰接受無綫娛樂新聞台《Star Talk》主持王鎮泉訪問。

王浩信、姚子羚、陳楨怡和林子聰接受無綫娛樂新聞台《Star Talk》主持王鎮泉訪問。

你 或 有 興 趣 的 文 章