*

upload_article_image

一支公食下午茶都好忙 吳家樂密講電話機不離手

真係好忙......

吳家樂於2006年被爆同其士集團太子女周蕙蕙結婚,婚後育有一女兩子加一隻狗狗,家庭生活美滿又幸福。家樂不知不覺已經47歲,雖然有「45億女婿」之稱,但他生活低調又平實,一支公想休息下只會去咖啡連鎖店,食件餅飲杯啡,全程電話不離手,不斷講,好鬼忙。

家樂一家五口,一放假就家庭樂。

家樂曾修讀94年第7期藝員進修班,入行25年,當年好靚仔。

家樂近日為TVB新劇《唐人街》開工,因為同場男藝人如陳展鵬同伍允龍個個大大隻隻,家樂不敢怠慢,努力操肌,務求人人都有肌,不怕比下去,做Gym之餘亦要食得非常清,如白烚雞胸加西蘭花,家樂形容為外太空餐,不難食但非常單調。

家樂同伍允龍及王君馨拍新劇《唐人街》,前者話好羨慕後者嘅肌肉。

好多藝人要快速修身,都會食白烚雞胸加西蘭花,家樂都唔例外。

 

日前下午,見到家樂一支公現身銅鑼灣,打扮平實,戴住眼鏡揹着背囊的他去了皇室堡一連鎖咖啡店食下午茶。當日他好忙,無論排隊買嘢食、食住嘢定行緊路都在講電話,講嘢期間又動作多多,就算不講電話,雙眼同雙手都無離開過電話,真是好忙!

 
 

排隊買嘢時,家樂已經講緊電話。

家樂邊食邊講,無停過。

家樂講電話時動作多多。

食完嘢離開過馬路時,家樂仍然Keep住講電話。