浸大生不滿食物難食爆粗鬧職員:幾十蚊畀啲屎我哋食

社會事

浸大生不滿食物難食爆粗鬧職員:幾十蚊畀啲屎我哋食

2019年05月22日 13:50 最後更新：13:55

難吃都不可以為難前線員工~

浸會大學多名學生疑不滿飯堂食物難食，趁quit hall日（學期住宿舍最後一天）到飯堂鬧事，不但爆粗大鬧，更掟餐具落地發洩。浸大發言人回應稱，正了解事件，如發現有學生違規，將依據既定程序跟進。

有傳媒報道，事發在昨日早上9時許，約10多名男生在浸大學生宿舍飯堂「浸大食坊」內叫囂，當中部分學生為浸大宿舍蔡元培堂宿生，期間有人破口大罵，內容疑是對飯堂食物不滿，當中更有人向職員講粗口，「好X難食，X你老X！畀幾十蚊，畀啲屎我哋食！」、「只有飲品係正常，最好味嘅飲品係咩？係可樂，仲有飲水機嘅水」、「炸雞髀唔推出，海南雞好好的又取消，最好食係海南雞，我要燒春雞」等，而一名身穿蔡元培堂足球隊波衫的男生，更數次更掟餐具落地發洩不滿。

事件曝光後，大批網民在facebook專頁「HKBU Secrets」中留言，有人留言直斥「大學生喎....基本尊重都唔識，成個爛仔咁！冇啲修行！你覺得難食未去第二到食，唔好幫襯囉！」、「明知難食重要食，又要X，咩玩法？」、「難食就可以隨便侮辱人，連基本尊重都唔識？」，亦有人認為不應該欺負前線員工，「係出晒名難食，但唔好欺負前線員工，去X個中標公司」、「難食已經唔係新聞，阿姐都唔係煮果個，發脾氣以為自己好型？」，不過亦有人認同學生行為，「我支持學生用激烈方式表達意見，受過教育唔講得粗口？咩道理？面對啲咁無良嘅商人，唔通同佢玩對聯、吟詩表達不滿？」。

浸大發言人回應傳媒查詢時表示，校方十分關注學生的行為和操守，學生事務處正了解事件，如發現有學生違規，將依據既定程序跟進。

往下看更多文章

尖沙咀茶檔西多士被批似「穿窿底衫」網笑：你就當「買大送細」

2024年04月16日 12:30

西多士是不少港人下午茶至愛，加返一杯奶茶，就是最佳的配搭！不過日前有一位女網民在尖沙咀茶檔叫了一份西多士，賣相差到嚇人，她大批似足一件「穿窿底衫」！

正方形西多士離奇分為兩塊

網民日前在Facebook群組發文，指日前到尖沙咀海防道茶檔叫了一份西多士，只見她貼出的相片中，西多士被炸到變形，而且不是呈現經典的金黃色，疑似是炸的時間太耐而偏啡，而且最離譜的是，一個正方形的西多士，竟被離奇分為了兩塊，其中一塊面頭放上了一個快融的芝士塊。網友寫到「唔知係我孤陋寡聞定係見識少，西多士咁樣上碟」，更標籤了「海防道」及「穿窿底衫」兩行字。

有網民即刻留言問「又係海防道黑街市？呢餐貴過食餐飯？」，事主回應是，而餐茶的價錢竟然是52元。

網友狠批：點解仲可以比客人食

網民見相中的西多士，都紛紛留言狠批「點解仲可以比客人食，現在飲食業已經咁困難，為咗一塊西多士而損失一個客人，值得嗎？」、「呢個換著係我衝入佢廚房，黐線，香港飲食業就係俾XX廚搞衰個朵。」、「真係仲好意思攞比客人食，真係佩服！」、「陳年老油又多油焦，片包仲要爛埋，真係當d客on X先會咁樣比人食」、「唔係見到咁唔退貨呀！」。