敬老可以，但不應恃老賣老吧！
食飯排隊攞位是常識吧！有網民在社交網站發文分享，指曾遇過一名婆婆與外傭未有取籌就擅自入座，更佔用原本侍應安排予樓主的座位，拒絕離開。樓主不滿婆婆恃老賣老，於是直接坐婆婆對面以示「抗議」。最終婆婆認輸，與外傭轉位。不少網民怒斥婆婆的行為，有人更留言譏諷「以為又有關愛座？」。
「將軍澳」FB群組圖片。
該名網民在社交網站Facebook群組「將軍澳」發帖分享經歷，指一家四口推著bb車到新都城一餐廳用膳，入座後獲侍應安排轉坐卡位，正當樓主一家準備轉位之際，一名婆婆突然帶同外傭，在未有取籌的情況下，便直接進入餐廳，更擅自坐在卡位。侍應遂上前要求二人讓出座位：「阿婆你坐返去果到啦，佢哋四個坐！」，惟婆婆拒絕離開，堅持稱「我坐喺到嘞，我坐先」。
此時樓主上前詢問二人有否取籌，外傭見狀難為情，企圖拉走婆婆去取籌，惟婆婆堅拒離開。樓主氣結，直接坐婆婆對面，並說「對面都有梳化位啦，仲有嚟食野要攞飛架」。婆婆最終敗下讓出位置，帶同外傭轉位。
樓主其後發現一名較年輕的女子進入餐廳，陪同婆婆食飯，直斥婆婆恃老賣老未有取籌，「如果你只得一個阿婆嚟食野就話易安排，出面咁多人攞飛又唔係一個人，點解直接見位就霸呢？」，又斥責陪伴在旁的外傭及年輕女子未有取籌，「要個阿婆出嚟霸位呢，有啲唔知咩事的仲以為我哋蝦佢老人家呀，激氣！」。
帖文引發大批網民留言批評，有人表示「好多老人都係咁，恃老賣老」、「一樣米養百樣人，未聽過」、「壞人變老而已」、「完全明白你有幾嬲，不過只可以話冇辦法，你奈佢唔何，唯有啞忍」。
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
