食嘢都要打醒十二分精神!
香港人工作忙碌，未必有時間煮飯，只好選擇外出用餐或叫外賣，不過一不留神隨時中伏！有網民在社交網站發文，指外賣飯盒時跟餐叫涼茶，飲完一口才發現樽內有隻大曱甴，喉嚨亦隨即腫起，要到醫院診治及服用抗生素。
中伏飲食報料區FB圖片。
該名網民在facebook群組「中伏飲食報料區」發帖，指自己上周五在東涌一間相熟的餐廳叫外賣，跟餐叫涼茶，惟飲完一啖後始發現樽內有隻大曱甴漂浮，「喉嚨即刻腫左嚇都傻，馬上早退去睇醫生食抗生素，病左兩日！」。
樓主大感不滿，要求店家退款，惟對方一直拖拖拉拉不肯支付，甚至被侍應發火斥責，「大佬我貪你一百幾十咩？$320醫生錢都無問你攞，平時日日食開咁熟我已經無報食環無唱你，收番退錢等自己心理好過啲咋！」他又直指，「煲支涼茶入樽都搞都咁，廚房有幾衛生真係不敢想像！」。
中伏飲食報料區FB圖片。
帖文引發網民熱議，不少人留言批評餐廳衛生情況差，「不安」、「乜咁補身呀」、「中藥嚟？」、「中學時期叫佢哋外賣飯盒，幾次打開個飯都有唔同既昆蟲」、「間嘢出名污漕，點會乾淨！」。
屯門友FB圖片。
不過亦有人指該隻曱甴漂浮並非被煮死，而是浸死，質疑樓主將曱甴放入樽內，惡意抹黑餐廳。樓主其後回應稱，自己並非做飲食，光顧涉事餐廳多年，又指「唔係比佢個伙記發我爛渣，我都唔會比佢激到要出post」，又稱自己沒法控制曱甴是被煮死抑或浸死，「我只係不幸飲之前睇唔到中咗招」，強調發帖目的是為了提醒各位食客小心。
另外，有網民早前亦在「屯門友」發文，指自己在區內一間麵包店購買餐肉包，進食時發現包內有書釘，又稱幸好是大人食到，否則小朋友隨時不留神吞下受傷，「咁大粒釘書釘被小朋友食到真係可大可小呀！」。
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
