Skip to Content Facebook Feature Image

咖啡加珍珠Cappuccino少泡多奶 咖啡師數客人8個怪要求

社會事

咖啡加珍珠Cappuccino少泡多奶 咖啡師數客人8個怪要求
社會事

社會事

咖啡加珍珠Cappuccino少泡多奶 咖啡師數客人8個怪要求

2019年05月23日 15:08 最後更新:15:19

失禮......

咖啡店愈開愈多,但未必每位顧客都知道每種咖啡分別。有咖啡師就分享怪客要求,稱曾有客人嫌濃縮咖啡(Espresso)的杯子太細;點泡沫咖啡(Cappuccino)時又要求少泡多奶,質疑為何不點鮮奶咖啡(Latte);最令他聽到反白眼的是,有人甚至要求「微糖走冰加珍珠」。咖啡師直言「唔識飲唔好學人飲」,建議「買罐咖啡算啦」!

Cappuccino是一份Espresso加奶和打奶泡整成。網圖

Cappuccino是一份Espresso加奶和打奶泡整成。網圖

該名於咖啡店工作的咖啡師在facebook專頁「西客之道 Hispitality Secret」投稿,稱有時聽到客人的特別要求,忍不住會想爆粗鬧對方。他分享了曾遇過的8個奇怪要求,指有客人只表示要「咖啡」,追問下對方點了較便宜的Espresso,樓主又再問要一份(Single shot)或兩份(Double shot )咖啡時,「杯嘅size都俾埋佢睇,最後出到嚟就問我點解咁細杯」。

咖啡師發帖分享客人的奇怪要求。網圖

咖啡師發帖分享客人的奇怪要求。網圖

樓主續說,有客人點Latte時要少奶多泡,他不禁想,「其實係咪即係要Cappucinno?相對,都有人嗌Capp要少泡多奶」,另有人點Latte或美式咖啡(Americano)時要求走奶、走甜,「其實你哋知唔知自己飲緊乜?」更奇怪的是,有人點沙冰要求走冰或少冰,令樓主十分無奈,「沙冰嚟架,點走冰呀?」甚至有客人「嗌微糖走冰加珍珠,我X,眼都反埋,珍珠奶茶舖咩」。

有客人嫌Espresso的杯子太細。網圖

有客人嫌Espresso的杯子太細。網圖

有客人亦會點一些餐牌上沒有的飲品,樓主表示如果有材料都會盡量完成,滿足客人,但有時做不到的話,對方會說大型連鎖咖啡店都有,「點解你哋無!?」。有客人則「永遠就話自己趕時間」,質問為何要等那麼久。咖啡師在文中慨嘆,「每一日對住呢啲客真係對眼反到去後腦」,希望客人先好好認識咖啡。

資料圖片

資料圖片

帖文掀起熱議,不少在咖啡店工作的網民都留言表示很有共鳴,有人亦分享類似經歷,指有客人不滿「整到杯iced mocha(凍朱古力咖啡)好凍,我點飲」、「加珍珠?先生,我哋呢度冇得加珍珠個喎‧‧‧人哋天仁茗茶都得,點解你唔得呀?」。但亦有網民反寸樓主,「原來人一出世就要識飲咖啡」。有網民也表示,即使未必認識所有咖啡,但「只要清楚自己喜好,行埋嚟客客氣氣咁話:『我唔識分你menu上面嘅咖啡』,平時我鍾意啡味濃啲/ 淡啲,奶味重/ 少奶,多泡/ 少泡,甜甜哋/ 無糖,你有咩介紹?我好樂意介紹1、2杯符合你要求既咖啡畀你」。

往下看更多文章

婚後供養同住奶奶大伯卻遭針鋒相對 港媽更因丈夫1反應感無助

2024年03月28日 12:35 最後更新:14:54

港媽婚後要與奶奶及大伯同住,剛要負擔家中大部分開支,但兩人不但不體諒更處處挑剔,令她心情抑鬱。

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

該港媽於「親子王國」討論區以「結咗婚,就要養埋99同大伯?」為題發文大呻,表示婚後夫妻二人與奶奶及大伯同住,原本以為這樣的生活會和諧平穩「其實2公婆,大家做咩職業,搵幾多,冇計,只要大家互相支持,開心平淡生活就ok。一直抱住咁心態,所以結婚就同99,大伯住」。

不過相見好同住難,日子耐了,樓主開始發現奶奶及大伯的言行和性格令她感到極度困擾「住落佢地自己咩都係岩,人地永遠都為錯」。她指兩老經常以燒味或燒烤醃製的食物當晚餐,但當她購買外賣時,卻被批評不健康「我跨區返工,返工連車程都成12個半鐘,真係冇時間煮飯買餸」。樓主又憶述,新年時,娘家的親人到訪拜年,奶奶及大伯竟當面嫌棄親人準備的禮盒「喺我面前話唔鍾意,一d都唔理人感受」。

(Getty圖片)

(Getty圖片)

此外,樓主夫妻除了支付家庭的租金、水費、電費和上網費等基本開支外,還需要支付給奶奶湊孫的費用。相比之下,大伯只支付不到家庭開支的五分之一,這讓港媽感到相當不滿和委屈「我咁辛苦返工,要養一d唔適體諒,永遠都話你點點唔好既人,值得咩?」

雖然樓主與老公有能力搬出去住,但老公擔心兩老無法自理而拒絕搬離「我地2公婆絕對有能力自己搬出去住,只係剩返99同大伯,老公擔心佢地攪唔掂自己,所以暫時唔想搬開」,為此她感到非常抑鬱「真係好辛苦,努力辛苦返工,就係為佢地付出,值得咩?我又唔想決絕到自己帶亞b走。可以點做?」

Getty圖片

Getty圖片

帖文曝光後,不少網民認為如果有能力,就不應該繼續同住。奶奶及大伯都是成年人,應該能夠自理,而且可以考慮搬到附近,方便照應。有人認為只要每月給予固定的家用,就不算不孝。有人則建議她應該堅持自己的決定,不要忍受不公平的對待,並且應該與老公好好溝通,找到解決問題的方法。

帖文來源:「親子王國」討論區

你 或 有 興 趣 的 文 章