要保重身體啊!
電台DJ甄子康(少爺占)在社交網晒出床照,扁晒嘴話自己中招患左流感,搞笑話自己好少病,打乞嗤都只是鼻敏感。
網上圖片
少爺占又指:「做完節目返屋企之後發覺自己成身骨痛然後發燒,於是即刻食退燒藥,瞓著覺就冇事了。到咗星期二,上晝明明好好地,下晝突然間又沾寒沾凍,又發燒了,又食退燒藥又無燒,之後又發燒了,之後又無燒,之後又再燒,總之來來回回好多次發燒同埋無發燒。到尋晚做節目嘅時候,又發燒了,於是突然間諗,我應該係流感,於是深夜去咗睇醫生,同醫生講我唔做測試啦(?!) 我講啲症狀俾你聽啦,佢聽完之後話:『你好大機會係流感!』然後佢話要即刻食特敏福,唔可以錯過黃金48小時!!!!!醫生先係呆一呆,然後話:『可以架!』」
網上圖片
少爺占最後還大呻:「係囉,無乞嗤,無鼻水,無咳無剩,無啦啦流感。不過有啦啦個啲通常都唔荒好嘢。」
網上圖片
Beanies有好消息宣佈!無錯,Beanies開騷喇!今次,Beanies請來ILUB一齊玩,齊齊帶樂迷走入校園,3月7日(星期四)在麥花臣場館舉行《ILUBeanies 聯校Live》!
當晚,ILUB的少爺占與Donald分別化身訓導主任及純正西人(外語老師),與Beanies五位成員化身成的:大家姐Jaime、班長Kay、學霸Geor、Drama的Chiutung及haha的Winky,日在音樂無代溝、無年紀限制下,與樂迷齊齊瘋狂一晚,享受音樂帶來的無限可能!在麥花臣這個校園內,會發生甚麼事?想知的朋友,快啲撲飛啦,今日(1月31日)正式公開開售!
ILUB同Beanies開show啦!
今次將會以「重返校園」為主題,艾粒會扮演訓導主任同外語老師,而Beanies就會扮演學生,將校園元素融入音樂表演入面。
Beanies與ILUB大纜扯唔埋,但卻合作舉行音樂會,意想不到就是最大的化學作用!就好似音樂會海報,本來想book影樓攝影師影,點知,少爺占一句:「不如用AI app搞?」Beanies聽到覺得很有趣,秒速贊成,而且,整出來的效果大家都讚靚過真人,一take過不用再retake,齊齊變成時間管理大師,慳了的時間,令到ILUB與Beanies七人多了時間開會商討音樂會rundown。
張天穎(Jaime)
潘釗彤(Chiutung)
陳樂頤(Georgina)
李凱翹(Kay)
黃健怡(Winky)
《ILUBeanies 聯校Live》
演出日期: 2024年 3月7日(星期四)
演出地點: 麥花臣場館
演出時間: 20:15
門票: 港幣 $688 座位/$488座位
公開發售:2024年 1月31日(星期三)早上10時正
《ILUBeanies 聯校Live》由YHYS6243主辦、票務bookyay、麥花臣場館、Candy Magic贊助、聯校插班生𠮟咤903及特別鳴謝deliveroo、bonaqua。
少爺占
Donald