吳若希27歲生日老公送蛋糕囡囡趣緻表情搶鏡

娛圈事

吳若希27歲生日老公送蛋糕囡囡趣緻表情搶鏡

2019年05月23日 19:35 最後更新：19:45

生日快樂！

今天是吳若希（Jinny）27歲生日，早前Jinny在IG上載粉絲為她送上蛋糕提早慶生的照片。而較早時間，Jinny就分享與丈夫Alex和女兒打邊爐慶祝的照片，Alex更準備了鮮花和蛋糕為愛妻慶生。

不過，最搶鏡的莫過於是Jinny的女兒，其中一張照片見Alex和Jinny一左一右向女兒獻吻，但從女兒的表情所看，似乎不太領情，非常可愛，Jinny更為女兒配上設計對白：「點解唔係我生日都要啜我～」。

Jinny留言表示：「開開心心又一日～輕輕鬆鬆又一年～第三年慶祝我25歲生日～希望我愛的人和愛我的人繼續健康快樂～希望香港的海豚的數量可以上升到一百隻～希望大家都可以少用點一次性使用的塑膠製品～希望世界和平。」

往下看更多文章

吳若希與老公肉緊啜囡囡面珠慶7歲生日激罕公開Giselle正面樣

2024年04月24日 20:00 最後更新：20:14

Giselle與媽媽如餅印一樣

31歲吳若希（Jinny）於2017年與何兆鴻（Alex）結婚，並育有一女一子，Jinny亦都經常會在社交平台分享一家四口的相片，但一直將女兒Giselle（淼淼）保護得好好，幾乎沒有公開過她的正面樣。4月23日是Giselle的7歲生日，Jinnypo相為她慶生的同時，終於公開女兒相貌，與媽媽如餅印一樣！

近日Jinny在社交平台貼出慶祝女兒生日相片，她和老公一如以往左右夾擊啜囡囡面珠，並留言：「我真係唔知可以再啜到去幾多歲，今年已經啜到好似要打交咁。」激罕曝光Giselle正面，與媽咪吳若希如餅印一樣，Jinny寄語囡囡：「諗咗好耐應該同你講咩，喺你小時候，對你可能有好多期望，希望你開心，希望你快樂，希望你善良，希望你勇敢。但係漸漸地發現，我希望你做到嘅嘢，你全部都做到，有好多我唔expect你會做到嘅嘢，你都做到！睇住你慢慢進步，做媽咪嘅真係好安慰。」Jinny感歎時間過得很快，轉眼間，女兒已經七歲，「開始慢慢接觸外邊的世界，有自己嘅圈子同埋自己嘅諗法，媽媽會繼續做你嘅好朋友，隨時準備好耳仔，聽你分享你嘅生活同心情，媽媽愛你！」網民亦留言大讚：「家姐似足mama你大眼睛咁靚女」、「家姐好靚女，未來香港小姐，又遺傳媽咪咁高。」