心情靚靚拍外景 馬國明暗示與心穎示已分手

馬明值得更好～

「安心事件」曝光後，被指周身名牌貪慕虛榮、一心釣金龜的黃心穎敗走美國「避世」，而馬國明經過個多月沉澱，「內傷」已完全康復，心情愈來愈好，日接夜趕拍新劇《降魔的2.0》依然識講笑。

黃心穎避走美國，馬明亦不願多提女方名字，但問到日後搵女友類型，馬明坦言唔會再搵港女，暗示跟心穎已分開。

被指港女的黃心穎周身名牌，她曾坦言係大花筒，馬明養佢唔起。

暴瘦及憔悴過後，馬明已回復狀態，日前在西貢園藝農場通宵拍外景時，幽默感返晒嚟。當日場口講馬明和胡鴻鈞（Hubert）等合力打怪獸拯救謝雪心，開通宵無得瞓，但馬明全程Hyper，又同演員玩自拍，動作多多鬼咁精神，還笑得好大聲，勁風騷。

「安心事件」曝光後，馬明又瘦又憔悴，睇見都心痛。

跟張曦雯及契妹唐詩詠合作的《白色強人》將於6月10日播出，馬明話冇期望攞到視帝。

例子一有，他跟戲中媽媽心姐講笑，話自己踎低扶住心姐呢個動作，鏡頭擺位關係會令人誤會同阿媽「打茄輪」；例子二係當等拍打戲時，馬明見傳被TVB雪藏的Hubert有替身，即無限取笑Hubert，講到Hubert都有啲唔好意思，馬明大笑說：「你就好啦有替身，做歌星受力捧，我都有替身……衫！哈……」Hubert尷尷尬尬，只好回答：「承你貴言！」等馬明收口，好搞笑。不過，笑還笑，馬明真係好用心，一埋位就好專業，完全熟讀劇本。

馬明笑胡鴻鈞有替身肯定受TVB力捧，睇吓馬明笑到。

問到是否已放低包袱？馬明繼續避談更將話題扯到去地球另一邊：「終於拍完套劇好開心呀，好似完咗一件事咁，其實我日日都咁開心喎，我去睇車嗰陣仲開心呀，就算唔買睇吓都好呀。我好鍾意車，兩部座駕好似老婆咁，拍完呢套劇會親自帶佢哋去驗車同搞續牌，從來都係親力親為，唔會假手於人，搞完車咪留喺屋企睇波，唞吓，冇打算外出。」

拍完《降魔的2.0》，放兩個月假先再拍新劇《使徒行者3》嘅馬明心情非常好，埋位前成日笑，仲不斷整鬼同劇演員。

被封為娛圈清泉好男人，零負評男神，馬明只當笑話，指只是虛火，對工作無太大幫助，搵錢才最實際：「喺TVB搵得幾多呀？希望有多啲搵錢機會，就算有車有樓，再賺錢嚟買車、買樓，買乜都好，要有生活保障，大佬呀，成家人要我養，我好大壓力㗎，再唔搵就全家仆直喇，（係咪體會到男人有錢就有女？）有錢先撲埋嚟就冇意思，我年紀唔細唔要港女。」

馬明跟同場演員玩自拍，勁風騷。

問到日後想搵咩類型女朋友係咪要用情專一？馬明諗都無諗，「唔知，隨遇而安！」馬明表明不要貪慕虛榮港女，更乘機澄清外間對他跟黃心穎的錯誤解讀：「有太多誤傳，一時話我留戀情侶公仔，繼續放喺車度；一時又話我除低情侶戒指，我想講所謂嘅情侶戒指只係登台飾物；所指嘅肖情侶公仔只係吉祥物，因為黑色車要放紅色嘢，未拍拖前都有呢對公仔啦。」疑似暗示同心穎已分開。

馬明話車內嘅所謂「情侶公仔」只係吉祥物，未同心穎拍拖前已有。

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。