*

upload_article_image

酒店客滿拒延長入住要求 港男爆粗辱罵職員被列黑名單

橫蠻無理,應該掉個人出街!

入住酒店的住客一般要在退房時間前離開,但有酒店經理分享,有港男住客過了退房時間兩小時,才要求入住多晚,但因為酒店當晚客滿,無法提供房間,於是拒絕。港男不滿並爆粗大罵,又說「我而家就出街!你有本事就掉X晒我啲嘢」。經理唯有將港男房間上鎖,對方返回時才與保安一同上房處理,但期間港男繼續滿口粗言,連保安也忍不住勸告:「尊重下人哋,你事實係無訂房我哋都唔係唔畀你住」。港男終收拾行李與房間內的女士離開。經理斷言:「寫衰佢嘅profile後,我永遠都唔會再見到呢個人喺酒店出現」。

樓主帖文。

有在酒店任職經理的女網民在facebook專頁「西客之道 Hispitality Secret」投稿,指有一次酒店「full(客滿)到崩潰嘅地步」,已經要嘗試安排預訂兩間普通房客人轉入住一間套房。但當日就有一名港男住客「過咗check out 時間超過兩個鐘先嚟話要extend住多晚」。職員以客滿為由拒絕後,港男則表示投訴並用粗口罵職員。

有港男過了退房時間兩小時後,才要求入住多晚,結果被拒而大罵職員。設計圖片

該經理見狀遂上前再向港男解釋,「酒店昨晚已經知道今日滿房,所以無辦法再接收新嘅預訂,如果你唔退房,本身訂咗嘅客人會無房住,希望你明白」。但港男仍不滿,反問「係咪住得耐就要迫我走!」他拒再聽經理解釋,稱現在會出街,「你有本事就掉X晒我啲嘢!」經理再禮貌地回應:「我希望你尊重返我同你自己,唔好再講粗口,如果唔係我會將呢件事交畀警方處理,因為我哋已經畀咗offer你4點前check out,係足夠時間畀你搵第二間酒店」。惟港男照樣離開。

經理為保障客人、酒店和員工利益,於是將港男入住房門上鎖,待對方回來時,才與保安陪同他去收拾行李。結果當港男得知房間鎖上後,「即刻發咗癲咁講晒所有粗口」,又斥「而家當我係賊?我嚟消費我有畀錢你做咩搵保安嚟!」港男繼續怒罵,連保安都忍不住插嘴,「先生,你尊重下人哋,人哋打工都有阿媽生,你事實係無訂房,我哋都唔係唔畀你住,但真係無辦法先要你走。」

入住酒店的住客一般要在退房時間前離開。設計圖片

港男最後收拾行李,與房內沒有入住登記的女士離開。經理直言會將該港男列入黑名單,並謂「除咗想分享香港人無理取鬧,同以為講粗口可以得到自己想要嘅野呢種劣等行為之外 ,我亦好感恩自己真係做到堅持企硬呢樣野。」

港男惡行,連保安都忍不住插嘴。設計圖片

帖文隨即掀起熱議,不少網民都大讚女經理做得好,「呢個經理咪有腰骨有膊頭囉!」、「多啲經理企硬,咁啲細嘅都好做啲」、「有多啲企硬嘅管理層,就唔會有咁多西客啦!」。另有網民表示,「而家好多鍾意強人所難嘅人,佢係明知做唔到,但佢理得你取消人哋booking又好,點都好。佢就係要達到目的」。有同行亦留言表示,「畀晒同行知就啱啦,blacklist佢」。