有病就要去睇醫生......
巴士座位上設置安全帶，保障乘客的安全，不過有網民就目睹一名大媽不小心坐中安全帶扣，令她痛極大叫，更無理地要求車長將其拆除！
fb專頁「巴士台HK Bus Channel」截圖
有網民在facebook專頁「巴士台HK Bus Channel」投稿，分享乘搭巴士時遇到奇葩大媽的經歷，他表示當日與母親乘搭「49X」線巴士往沙田，期間目睹一名坐在關愛座的大媽讓一名男子坐窗口位，自己就轉坐走廊位，不料大媽未有為意身後的安全帶扣，一下子就坐下去，令她痛極大叫：「哎呀！好痛呀！哽死我啦！」，更形容自己安全帶扣「哽到佢屎忽爛」。大媽大叫讓司機停車，要求司機將安全帶扣拆除」。不過車長拒絕拆除，因為該設施用作保障乘客安全。
另一名大媽用潮州話出聲示意大媽收聲，但大媽未有理會，指要向九巴投訴，又叫車長向公司反映座位高度太低，又說「坐到咁低哽死我」。車長只能敷衍對方，「好啦好啦。」大媽於是收聲不說話。
大媽不小心坐中安全帶扣，竟要求車長將其拆除。fb專頁「巴士台HK Bus Channel」圖片
不過後來大媽將視線轉移剛才勸喻其收聲的另一大媽，向她怒斥：「我整親梗係要投訴㗎啦嘛，係咁叫人收聲乜嘢意思先，又唔係銀親你，你都癡線嘅！」此時，投稿人的母親想出聲，惟遭投稿人阻止，他更笑言：「一個安全帶扣，令到阿姑變咗蒙古大汗。」
帖文吸引不少網民留言批評大媽，有人就笑言大媽應該要減肥， 「減肥咪得」，有人就建議大媽應該坐的士，「其實太肥不適宜坐巴士，坐的士」。
灣仔有餐廳免費開放店面給DSE學生作自修室溫書，更送贈飲品及甜品。網民感動表示：好有愛！
(FB截圖）
灣仔餐廳下午茶時段免費開放，予DSE考生作自修室溫
該灣仔餐廳於其Facebook專頁發文，表示要為考試而努力準備的學生們打氣，宣布在下午茶時段免費開放餐廳，供考生們作自修室之用。餐廳指下午時段餐廳較為安靜，而且場地寬敞，非常適合考生溫書。
「如果搵唔到地方溫書，上嚟我哋餐廳，橫掂呢個時段我哋係冇用嘅，唔好嘥咗佢，介紹返，我哋地方好大，只係想陪你一齊考試！」
（FB圖片）
餐廳提供免費飲品及甜品
此外，只要出示學生證，學生即可享一杯免費飲品及一份甜品「只要你出示學生證上嚟溫書，(唔一定只喺應屆考生），不論咩年紀，總之你係學生，真心支持你你同你，所有嘢都免費⋯ 」餐廳更窩心表示「唔使擔心呢個係廣告⋯盡用啦，唔使擔心，上嚟溫書，上嚟做project，想陪你一齊渡過呢一關」。
（FB圖片）
網民大讚：「好有愛！」
網民得知這個消息後，紛紛大讚餐廳暖心之舉「好有愛，謝謝」、「不得了 ，我見到好大嘅愛」、「一間咁有愛嘅餐廳，值得大大力幫襯支持，老闆好有愛」、「借地方已經好好，仲免費又飲又食」、「多謝你哋嘅善良同慷慨」、「好窩心，DSE 同學加油」、「多謝你哋~好有心！假期我會嚟幫襯！」、「多謝你們對學生的支持！有心已經好好，仲要咁貼心準備飲品同甜品！好窩心呀！Love」。
（FB圖片）
ULURU HK優惠詳情
地址：香港灣仔春園街1-11號春暉大廈1樓
開放日期: 由即日起 (逢星期一至星期五)
開放時間: 2:30 -5:30 pm
免費食品︰凡出示學生證，即可得一杯免費飲品及一份甜品(蘋果金寶/ 朱古力脆脆慕絲 / 意大利芝士杯 / 士多啤梨奶凍；4款任選一款）
帖文來源：Facebook專頁「ULURU HK」
