湯洛雯旅行跑步拗柴 獨自爬到路邊檢查傷勢

仲著到鞋都算不錯了......

湯洛雯（靚湯）到柴灣宣傳《婚姻合伙人》，有腳傷在身的她未有上陣挑戰攀石，她指昨晚才剛從英國倫敦回港，因此有點水腫，在旅行期間繼續跑步減肥的她，不幸地在旅程最後一日跌傷，她說：「我日日都有跑步，怎料臨尾才受傷，跌到瞓喺度，原先拗到右腳，覺得沒事繼續跑，結果又拗到左腳，現在腳有點腫。」

靚湯指當時人在暗角，沒有路人發現她受傷，同行朋友不在身邊，自行爬到路邊檢查傷勢，當時很傍徨，事後告知家人後更被鬧。靚湯如此大付出，問到減重成績可理想？她笑言：「我冇磅，始終減肥是以健康為主，現在不能跑步會考慮其他運動，想想其他方法去水腫。」

湯洛雯 資料圖片

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。