胡鴻鈞拍劇受傷入院 吳若希：無破相仲認得我

Jinny指胡鴻鈞要休息一個月。

吳若希（Jinny）為直播節目《公益金萬眾同心50年》表演，提到早前迎接27歲生日，她表示最開心是從女兒手中接過老公所送的一束花：「我老公都好Sweet嘅，佢知我唔係好鍾意慶祝生日，但都有表示。」

東星圖片

談到胡鴻鈞拍劇受傷入院，Jinny透露有與老闆何哲圖到醫院探望對方：「佢係清醒嘅，面好乾淨冇破相。（認唔認得你？）佢知我係邊個，等佢過幾日檢查完再去探佢，好似要休息一個月，下個月我哋會去美國做騷，我會負責照顧佢。（唔夠時間康復就你頂上？ ）佢一定好得番，從來我都唔擔心，因為佢好少答應我後甩底。」

東星圖片

Giselle與媽媽如餅印一樣

31歲吳若希（Jinny）於2017年與何兆鴻（Alex）結婚，並育有一女一子，Jinny亦都經常會在社交平台分享一家四口的相片，但一直將女兒Giselle（淼淼）保護得好好，幾乎沒有公開過她的正面樣。4月23日是Giselle的7歲生日，Jinnypo相為她慶生的同時，終於公開女兒相貌，與媽媽如餅印一樣！

吳若希與老公何兆鴻相當恩愛

吳若希與老公何兆鴻

經常分享一家四口的生活

相當幸福

近日Jinny在社交平台貼出慶祝女兒生日相片，她和老公一如以往左右夾擊啜囡囡面珠，並留言：「我真係唔知可以再啜到去幾多歲，今年已經啜到好似要打交咁。」激罕曝光Giselle正面，與媽咪吳若希如餅印一樣，Jinny寄語囡囡：「諗咗好耐應該同你講咩，喺你小時候，對你可能有好多期望，希望你開心，希望你快樂，希望你善良，希望你勇敢。但係漸漸地發現，我希望你做到嘅嘢，你全部都做到，有好多我唔expect你會做到嘅嘢，你都做到！睇住你慢慢進步，做媽咪嘅真係好安慰。」Jinny感歎時間過得很快，轉眼間，女兒已經七歲，「開始慢慢接觸外邊的世界，有自己嘅圈子同埋自己嘅諗法，媽媽會繼續做你嘅好朋友，隨時準備好耳仔，聽你分享你嘅生活同心情，媽媽愛你！」網民亦留言大讚：「家姐似足mama你大眼睛咁靚女」、「家姐好靚女，未來香港小姐，又遺傳媽咪咁高。」

正面樣曝光

限時動態分開Giselle的生日相

女兒與媽媽如餅印

一家四口

兩姊弟好可愛

Giselle６歲生日

5歲生日

4歲生日

3歲生日

2歲生日

1歲生日