*

upload_article_image

家庭日全家齊睇戲 吳君如13歲愛女複製媽媽「表情包」

唔知是知大個會唔會想入行呢?

近年娛圈湧現一批踏入青春期的超強星二代,除了有邱淑貞索爆大女沈月、「宇宙最強」甄子丹大女Jasmine、任達華獨女任晴佳和Eason囡囡康堤等等,連影壇夫婦吳君如和陳可辛的愛女陳是知,轉眼間都亭亭玉立!

愈大愈靚 君如以往不時畀愛女曝光,乖女愈大愈似影后媽咪。

9歲 陪母出活動

當年君如以41歲高齡誕女,其後減產專心湊女。有指君如着重囡囡的外語能力,所以囡囡精通英語、普通話及泰文等,小學後更每年花過百萬報讀不同的興趣班,培育是知琴棋書畫運動等樣樣精。月前是囡囡13歲牛一,君如激罕大晒愛女生日照,兩母女貼頭溫馨合照,倒模一樣呀!

君如去年在英國慶生,父親夏春秋(後右)、胞弟吳君祥(右三)等都有出席。

君如和陳可辛育有現年13歲愛女陳是知。

 
 
 
 
 
View this post on Instagram
 
 
 
 
 
 
 
 
 

Happy birthday to my teenage daughter

A post shared by 吳君如 (@sandrangky) on

陳可辛留港一定負責湊女,因為囡囡自幼被父母薰陶做了電影精,君如曾自爆陪囡囡看過五次彼思動畫《玩轉腦朋友》(Inside Out),所以family day都是看電影。日前傍晚6時,先見陳導獨自由中環蘭桂坊行落港鐵站搭車,一身長褸的白髮Peter孭住個啡色袋,輕輕鬆鬆搭一個站就到金鐘。見他沿途行一邊看訊息,原來約了「前世情人」!

廿四孝daddy陳可辛一早到商場會合囡囡。

Peter去了戲院隔離的漢堡包店找愛女,當時囡囡一早已與女友人買了個漢堡包餐慢慢歎。乖女一見到爸爸即滔滔不絕以英語聊天,講到肉緊皺晒眉,表情包似足星媽君如,尤其一雙眼。兩父女一杯汽水兩份飲外,又食薯條,有傾有講約20分鐘才離開。

乖女陳是知簡直是「Mini君如」,表情包似足星媽,尤其一雙眼同媽咪撞晒樣。

乖女陳是知簡直是「Mini君如」,表情包似足星媽,尤其一雙眼同媽咪撞晒樣。

13歲君如女陳是知開始識打扮,呢日衛衣短褲波鞋晒長腿,青春無敵。

其後,Peter和愛女分道揚鑣,是知偕女友人去買台式飲品;陳導就去了間西餐廳坐低歎杯醒神咖啡。未幾,陳導收到電話,原來是愛妻call,他即訊息埋囡囡在戲院門口集合,然後戴上口罩的君如到場會合老公,隨即買飲品小食入場看爆笑西片《圓美大盜》(The Hustle)。

歎啡等老婆 ■女兒買台式drink,陳可辛就坐低歎杯咖啡等老婆call。

姍姍來遲的君如,一到戲院即買飲品小食,老公在身邊陪伴。