*

upload_article_image

為美容事業拼搏 楊秀惠凡事親力親為

秀惠,加油!

自從《大帥哥》播畢後,已很久沒見風騷入骨、嬌聲嗲氣的「艾妞嫂」楊秀惠在螢光幕出現。其實,秀惠近年都忙於她的美容事業,除了要打理香港的店舖外,還要擴張海外分店同內地市場,生意愈做愈大,要度個期出來拍劇相信都不是易事!

網上圖片

據《東周刊》報道,秀惠日前在自家品牌的攤檔做生意。當日,扮得靚靚的她,親自上陣招呼客人兼狂sell產品。現場所見,她凡事都親力親為,更加做埋阿四周圍執貨搬貨,搞到連食個飯盒都要分幾轉,這個老闆娘認真厲害!

現場目測,楊秀惠的美容產品銷情不錯,客人絡繹不絕,做到冇停手。(《東周刊》圖片)

雖然楊秀惠貴為老闆娘,但她就事事親力親為,落手落腳跟到足,絕對是員工的好榜樣。(《東周刊》圖片)

楊秀惠為了盤生意做到廢寢忘餐,一個飯盒分了幾次食,錢真是不易賺。(《東周刊》圖片)

問到什麼時候再拍劇?秀惠就話:「因為依家想做好啲美容生意,所以會集中少少火力喺呢方面,希望啲生意好啲、上咗軌道,我就可以拍多啲劇。(你好親力親為,仲搬搬抬抬?)小生意嘛,我同埋啲同事都好努力做好件事,希望個品牌多啲人認識。」

楊秀惠落場sell客之外,更做埋生招牌任影不嬲,非常nice!(《東周刊》圖片)

更多娛樂消息,請看東周網:https://eastweek.my-magazine.me/main/entertainment