翠如笑言聽完爸爸的說話，老公Edwin第一個喊。
黃翠如剛在峇里與老公蕭正楠（Edwin）補行婚禮，一臉容光煥發出席活動。問到婚禮準備了多久？她笑說：「只準備了一個月，地點是我揀的，在當地留了五日，一行只有兩家人及伴郎、伴娘共15人，因為想簡單點，不想驚動到記者朋友。」
翠如謂此行是希望滿足父母，能牽住爸爸的手開心出嫁；又指父親與老公Edwin因為儀式而感動到喊，「爸爸拖住我手入去，同Edwin講覺得自己照顧個女唔夠，希望佢可以照顧得好啲；我咁大個女第一次見爸爸喊，平日佢唔多講嘢，所以我都聽到眼濕濕。（Edwin聽完點？）佢係聽完第一個喊。（會在香港補婚宴嗎？）唔會，我哋都結婚了，朋友要來婚宴又好浪費精力，亦唔想記者朋友咁辛苦。」
翠如話咁大個女第一次見阿爸喊。
黃翠如蕭正楠大婚
二人結婚一年，翠如大讚老公比婚前更sweet，「佢外地工作返屋企，第一時間是幫我洗車，平時又會幫我吹頭。」翠如透露婚禮後便到日本旅遊，又去了馬來西亞探朋友。問此行是蜜月嗎？翠如笑說：「Edwin說在大埔（屋企）搞，哈哈，其實只要放假，我們都會去旅行。」
黃翠如蕭正楠大婚
