開處女棟篤笑 盧宛茵期待阿仔們上台撐場

古天樂、周星馳、鄭嘉穎等都演過Madam Lo兒子！

盧宛茵（Madam Lo）入行近50年，今日（10日）舉行記者會宣傳將於8月中在麥花臣舉行處女棟篤笑《盧師動眾Madam Show棟篤笑》，並公佈正式為「演過最多藝人媽咪」項目申請健力士世界紀錄。

Madam Lo表示開棟篤笑為挑戰自己，正積極度橋中，內容包括婆媳關係及娛圈秘聞，亦不乏溫馨感人環節，擔心自己會又喊又笑。笑問會否準備代言的尿滲墊給觀眾，以防大家笑到瀨尿？她即哈哈大笑！

盧宛茵、楊明

被譽為「無綫御用媽咪」的Madam Lo，最少擁有70多位「兒子」，她說：「好似古天樂、周星馳、鄭嘉穎等都演過我兒子，要上網搵返才記得，兒子們會否上台則要視乎檔期。楊明都好乖仔，經常幫我買外賣！」

古天樂（資料圖片）

周星馳（資料圖片）

鄭嘉穎（資料圖片）

到場支持Madam Lo的楊明即笑言：「名單全部都是天王巨星，包括我在內，等我掹吓車邊先！」Madam Lo又指有重看深夜播出的經典處境喜劇《卡拉屋企》，最近一班演員更幫她慶祝生日，是娛樂圈難得的人情味。

楊明都話嚟掹車邊。

由李思捷主持及監製的《施巴pH 5.5潔膚浴露呈獻：思家大戰》第三季逢周日晚8時30分翡翠台播映。6月18日播出一集，有黃智雯率領的「隱門」隊，成員包括湯洛雯、吳岱融、盧宛茵和阮浩棕，對戰由家庭觀眾「鍾定英」劉嘉莉率領的「hkliondance」隊，成員包括「李若智」薛嘉如、「史勿心」成嘉瑩、「馬尚楓」周柏穎和「廖雨辰」張嘉琪。

今集氣氛繼續熱鬧。

「隱門」隊成員黃智雯（左起）、湯洛雯、吳岱融、盧宛茵和阮浩棕。

「hkliondance」隊「鍾定英」劉嘉莉（右起）、「李若智」薛嘉如、「史勿心」成嘉瑩、「馬尚楓」周柏穎和「廖雨辰」張嘉琪。

今集一開始氣氛已相當熾熱，在熱播劇《隱門》中飾演賊王葉嘯天的岱融哥，應思捷要求大騷演技，分別晒出「奸到出汁」和「奸得嚟有原因」的樣子，贏盡全場掌聲。飾演惡奶奶的盧宛茵則自言劇中是雙面人，隨即晒出「開心的笑容」和「唔妥新抱的笑容」，畫面過癮。飾演乖細佬的阮浩棕則預告劇情，大賣關子謂：「我都係葉嘯天個仔嚟，我會唔會乖到尾？大家自己睇啦！」

惡奶奶盧宛茵大晒演技。

岱融哥化身賊王葉嘯天晒奸樣。

阮浩棕預告喺《隱門》入面會有變化？

至於由一班後生女組成的「hkliondance」隊，人仔細細的她們原來是舞獅高手，更即場表演舞獅，場面熱鬧。值得留意的是，「hkliondance」隊的成員花名其實源自節目《今晚睇李》中的趣劇「思文敗類」，相關趣劇將人名gag玩到淋漓盡致，非常有心思。

「hkliondance」隊表演舞獅，而且是全女班，勁呀！

「hkliondance」隊成員嘅花名其實來自《今晚睇李》入面嘅短劇「思文敗類」。

「hkliondance」隊成員嘅花名其實來自《今晚睇李》入面嘅短劇「思文敗類」。

「hkliondance」隊成員嘅花名其實來自《今晚睇李》入面嘅短劇「思文敗類」。

「hkliondance」隊成員嘅花名其實來自《今晚睇李》入面嘅短劇「思文敗類」。

「hkliondance」隊成員嘅花名其實來自《今晚睇李》入面嘅短劇「思文敗類」。

嗰集區瑞強都有份客串。

仲有單立文，相當有心思。

今集遊戲環節同樣搞笑，其中一條問題「筍盤男結婚封盤，係因為個女仔乜嘢呢？」，當中有人答「大咗肚要埋單」，思捷即鬼馬地問快做人妻的靚湯：「你係唔係呀？」，靚湯反應竟是害羞遮面，非常可愛。輪到靚湯答這條題目時，她先先說：「女仔迫婚」，但事後卻強調自己沒有：「但我唔做呢啲嘢㗎，唔信你問佢（馬國明）喇！」隊長黃智雯今集表現亦相當精靈，多番成功執雞打救「隱門」隊，想知道他們最終能否殺入「終極開口中」？密切留意周日晚播出的《思家大戰》。

阮浩棕預告喺《隱門》入面會有變化？

靚湯話自己唔會迫婚。

黃智雯多次執雞成功，表現精靈。