3大巨型珍寶系列勁吸睛 北角酒店父親節自助餐食勻世界各地美食

父親節記得帶爸爸去食啦！

不少港人都喜愛吃，旅行重點都是吃，事實上留在香港都可以吃盡世界各地美食。剛好父親節即將來臨，要帶爸爸食餐好，不妨去酒店食Buffet慰勞一下爸爸，最近北角城市花園酒店綠茵閣推出「大夥兒吃盡城中夜市」主題Buffet，平日只需約500元，就可以食到珍寶巨型美食啦，大盤推出嚟簡直大過張餐枱！最後仲可食埋人氣瀑布蛋糕、台灣地道甜品芋圓、以及Häagen-Dazs雪糕！

資料圖片

為配合主題，每晚都會推出3道招牌珍寶菜式，限定逢星期五至日供應，有28吋大盤西班牙海鮮飯、3呎長威靈頓牛柳、及大籠蒸15公斤龍躉，包你食過翻噚味！

巨型西班牙海鮮飯

這盤約28吋大的西班牙海鮮飯，鋪滿各式各樣的海鮮，層次豐富，有青口、鮮蝦、魷魚等，鮮甜味美，再以西班牙辣肉腸作配料，聞落香辣，食落惹味。

資料圖片

大籠蒸龍躉

被稱為「魚中之霸」的龍躉，今次巨型珍寶系列中的龍躉經特別挑選，有足足20吋長，重達15公斤，屬「龍躉王」！採用特製大蒸籠將龍躉魚肉蒸熟，既彰顯其皇者地位，又保留了天然鮮味。魚肉十分嫰滑，入口充滿鮮味。

資料圖片

特長威靈頓牛柳

威靈頓牛柳是傳統英國菜，今次巨型珍寶系列特別推出特長版。約有3呎長特製的威靈頓牛柳，以酥皮包裹著蘑菇、風乾火腿、腍滑牛柳，齋睇材料都非常惹味！配以180℃的高溫烤焗後，將酥皮烤焗得厚薄均勻，牛柳要保持肉質嫩滑，表皮則要鬆化酥脆，難度極高。

資料圖片

資料圖片

另外，每逢星期一至四，都會輪流推出其他4款美食，包括即烤片皮鴨、巴西烤雞、葡式烤豬、熱溶瑞士Raclette芝士，讓客人每晚品嚐不同款式的美食。

即烤片皮鴨

北京片皮鴨甚受港人喜愛，片皮鴨表皮充滿油香，烤得鬆脆，肉質十分嫩滑，豐厚又多汁，皮下脂肪被融化，一口咬下去感覺到豐腴的油脂香，令人垂涎。

巴西烤雞

為保持原汁原味，將雞肉僅以粗鹽調味，採用明火炭燒，以特長燒烤叉串著，同時有炭香與濃郁肉香，吃的時候蘸上燒汁、松露醬或蘑菇汁，極惹味。

資料圖片

葡式烤豬

成隻乳豬推出來，超驚喜！葡式烤豬與粵式燒乳豬不同，以胡椒、白酒及一些香料醃製，再放進烤箱裏，要造成表皮香脆口感，就要在烤焗時要反覆塗抹橄欖油，這樣亦可以令肉質細嫩，又可以鎖緊肉汁。

熱溶瑞士Raclette芝士

熱溶Raclette芝士即場被刮出，空間滿滿芝士香，配以不同款式的配菜如馬鈴薯、蔬菜、麵包更顯滋味，芝士控必食。

資料圖片

當中，自助餐更有即叫即製的食物，例如海鮮及羊架，可以即叫即煎，熱辣辣更惹味！

資料圖片

資料圖片

資料圖片

中式及地道小食系列

香港及中式地道小食有煎釀三寶、豬腳薑、酸薑皮蛋、墨西哥莎莎醬鮮魷釀飯等，每晚輪流供應。

資料圖片

台灣小食系列

特色甜品芋圓有芋圓、蕃薯圓、紫薯圓任揀，更有多款配料自由組合，同場亦有其他台式美食如蚵仔煎、鹽酥雞等，每晚輪流供應，與台灣夜市無異。

資料圖片

日本、韓國、泰式小食系列

日本及韓國美食令不少港人著迷，和風小食有章魚燒、海鮮燒、可樂餅；韓國小食則有韓式炸雞、海鮮煎餅，另外泰式美食有炸皮蛋、泰式鳳爪，全部每晚輪流供應。

資料圖片

歐式小食系列

歐洲小食如英式炸魚薯條、瑞典肉丸、水牛城雞翼等，每晚輪流供應。

資料圖片

除了主題美食，一般自助餐美食均有提供，甜品更有任食Häagen-Dazs雪糕作結，連最新口味的橙花口味及茉莉花都有。

資料圖片

城市花園酒店綠茵閣
地址﹕香港北角城市花園道 9 號 1 樓（炮台山港鐵站B出口）
訂座及查詢：2806 4922 或電郵至gardencafe@citygarden.com.hk

「大夥兒吃盡城中夜市」自助晚餐
日期：2019 年6 月3 日起 
晚餐價錢﹕*
逢星期一至四 - 成人 港幣$508；小童 港幣$378；長者 港幣$468
星期五至日及公眾假期 - 成人 港幣$548；小童 港幣$398；長者 港幣$498
* 三至十一歲可享小童價；六十歲以上人士可享長者價 透過網上預訂系統訂座及繳付全數可享高達7 折優惠
（所有價錢以原價另收加一服務費）

父親節自助晚餐
日期：2019 年6 月15 日及16 日
晚餐：*
6 月15 日 - 成人 港幣$578；小童 港幣$458；長者 港幣$518
6 月16 日 - 成人 港幣$638；小童 港幣$518；長者 港幣$578
* 三至十一歲可享小童價；六十歲以上人士可享長者價 透過網上預訂系統訂座及繳付全數可享高達78 折優惠
（所有價錢以原價另收加一服務費）

食得曬，先好拎！

很多人吃自助餐，除了希望大飽口福外，更想回本甚至賺凸，主攻龍蝦、生蠔、刺身等貴價食物。而最近就有港男於社交平台發文，分享其吃自助餐的回本心得，竟然是狂食蛋糕！他透露每次開餐前，必先去拿1/3個忌廉蛋糕再加一杯咖啡，便已夠回本。

港男表示「我十二點幾就攞定蛋糕先，我唔知佢呢個蛋糕出完之後，會唔會變咗第二啲嘢」。（FB圖）

該港男於Facebook群組「香港茶餐廳給你食關注組」發文，表示每隔一個多星期便會光顧尖沙咀某酒店的半自助午餐，每次他會第一時間到甜品區，拿1/3個忌廉蛋糕，及點一杯咖啡。原因是該酒店的忌廉蛋糕平時一個已經要200多元，樓主一次拿1/3個再加上價值40元咖啡，就已經回本不少「出面個鮮忌廉蛋糕，酒店出面小酒吧位，賣成兩舊幾水一個，我起碼攞咗佢三分一杯咖啡買40蚊，所以覺得喺度食沙律吧半自助餐係好抵食」、「落樓價$143蚊，酒店級數，嗰三份一嚿蛋糕我諗都直$70蚊」。

樓主：「喺酒店食呢兩樣嘢，散釣都成舊水，唔係任食嘅話我真係唔會嚟」。（FB圖）

不過帖文一出後，不少網民批評樓主離譜兼失禮「攞嗰下已經肉酸，post上嚟更加肉酸」、「一次過拎三分一個蛋糕拎果下你唔尷尬果下勁，仲要吞埋落肚」、「一嘢攞1/3有D難睇」、「如果食得曬成個係咪成個攞走？好心啦，分開幾次攞唔得咩」、「如果食得曬成個係咪成個攞走？好心啦」。

$143包主菜及飲品，更任吃沙律及甜品，難怪樓主形容「喺度食沙律吧半自助餐係好抵食」。（FB圖）

面對網民的指罵，樓主留言回覆表示自己鍾愛忌廉蛋糕，而自助餐只會出一輪忌廉蛋糕「有人批評我一次過攞三分一個蛋糕有D離譜，其他人可能冇得食，我覺得問題係酒店本身唔出第二個蛋糕啫，有陣時自助餐一開始，條蒸魚已經畀人夾曬，咁我係咪要怪嗰啲攞蒸魚嘅人？」。

亦有網民撐樓主，認為只要吃得光沒有浪費，其實無傷大雅「支持樓主，比得＄就有權拎任何食物任何份量，樓主又冇整亂個蛋糕，又食得曬冇浪費，有咩問題？佢又唔識其他食客，點解要留返比人？」、「其實食得到就無問題，最緊要唔好浪費食物」、「我覺得食得晒係冇問題，等於一次過攞幾件」、「其實人哋食得晒唔浪費咪得囉」。

帖文來源：Facebook群組「香港茶餐廳給你食關注組」