*

upload_article_image

何家喜事連連 超雲Fit爆出關唔憂嫁

超蓮曾爆家姐有大把追求者~

近日賭王何鴻燊家族喜事特別多,繼四房超盈大肚待嫁、猷君求婚成功兼女友奚夢瑤大肚似層層;三房亦唔輸蝕,猷啟秘婚生女,連超蓮都終於爆新戀情,sweet爆公布與內地男星竇驍蜜運中,唯獨30歲的大家姐超雲鮮有傳出戀情。

猷啟今年2月自揭已婚一年,其後驚爆秘密生埋女。日前帶老婆GiGi去布拉格慶生。

超蓮自15年與台灣歌手吳克群4年情玩完,今年4月被揭跟「西安男神」竇驍親密約會,戀情曝光後超蓮迅即認愛,仲話同男友好夾,又讚男友好善良。

做了大姑奶的超雲,自2013年初與陳山聰分手後一直單身,近年更變身宅女。除早年被都到身邊有個苦追四年的肥仔觀音兵Kevin陪行街街,超雲平日生活不外乎工作、做貓狗奴、閒時去街市買餸煮飯,身邊不是助手,就是媽咪,無異性埋身,但她好享受宅女生活,今年2月30歲生日時更興奮話:「好開心,快樂中女一個」!

超雲不時被影到陪母親陳婉珍行街買餸,今年媽咪生日,乖女話母親指定唔收花,遂整咗一紮「菜花」,話夠晒健康呀。

2月時,生活深閨嘅超雲晒生日收花照賀30歲牛一,咁大紮花,唔通係追求者送?!

早前,超雲夏日派福利,晒長腿shopping。

日前下午,一身運動look的超雲又與女助手在銅鑼灣行街。兩女在一間運動服裝店睇運動bra top。被胞弟猷啟踢爆靠做運動及清淡飲食來減磅的超雲化淡妝,清純亮麗,穿上入膊小背心,前後都無贅肉,身材起fit。看了近15分鐘,超雲都沒有合心意,就示意助手走人。臨出門時,超雲發現有記者,主動微微一笑揮手打招呼,仙氣滿瀉,條件超班,不愁無「嫁」期!

愛行山等運動嘅超雲,不時被影到買運動裝,呢日主攻睇運動型bra top。

近年減磅、figure好靚嘅超雲穿上好蝦人着嘅入膊背心,全無半點贅肉。

背面睇,玉背和結實臀部都好省鏡。