HotTV
馬國明休假
馬國明出席品牌活動，透露拍完三套劇後終於可以抖一抖，乘機出外搵真銀，笑謂之後會多出席活動及到內地登台，「之前拍劇好難度期，現在終於有時間搵真銀，應該8月再開劇，所以都不會去旅行了。」
馬國明透露拍完三套劇後終於可以抖一抖，乘機出外搵真銀。
講到新劇《白色強人》剛播映，他指該劇有別一般師奶劇，笑謂只播了三集，希望觀眾會愈看愈鍾意，又說自己都有追看，覺得拍得很有型，問到是否把他拍得最有型？他笑言是把大家都拍得很有型。
資料圖片
靚湯心痛愛貓！
湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。
湯洛雯與馬國明當兩隻愛貓是心肝寶貝一樣。
愛貓打完疫苗後出異常反應。
靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」
靚湯心痛得狂飆淚！
隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」
靚湯叫大家帶毛孩打完疫苗後， 一定要留意牠們情況。
指愛貓情況已穩定。
